Seneta Barack Obama ashinda jimbo la South Carolina | Habari za Ulimwengu | DW | 27.01.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Seneta Barack Obama ashinda jimbo la South Carolina

WASHINGTON: Nchini Marekani, Seneta Barack Obama wa chama cha Democratic ameshinda katika kinyanganyiro cha kuwania kuteuliwa kuwa mgombea wa urais wa chama hicho katika jimbo la South Carolina.Obama amejisombea asilimia 55 ya kura kulinganishwa na Hillary Clinton aliejinyakulia asilimia 27 na hivyo kuwa mbele ya John Edwards aliepata asilimia 18 tu.

Katika hotuba yake ya ushindi,Obama alisisitiza kuwa ukabila hauna umuhimu katika uchaguzi.Amesema,chama cha Democratic kina msimamo mmoja,nao ni kukomesha kile alichokiita "sera za maafa" za serikali ya Bush.

Ushindi aliopata katika jimbo la South Carolina ulikuwa muhimu sana kwa Obama ili kuweza kubakia katika kinyanganyiro cha kuteuliwa kuwa mgombea wa urais wa chama cha Democratic,baada ya Clinton kujinyukulia ushindi katika majimbo ya Nevada na New Hampshire.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com