Mkutano wa kilele kuhusu hali ya hewa | Habari za Ulimwengu | DW | 29.03.2009
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Mkutano wa kilele kuhusu hali ya hewa

Rais Barack Obama apania kupigania usafi wa mazingira


Washington:

Rais Barack Obama wa Marekani amewaalika viongozi wa mataifa 16 yenye nguvu zaidi za kiuchumi ulimwenguni wahudhurie mkutano wa kilele kuhusu hali ya hewa utakaofanyika mjini Washington.Msemaji wa ofisi ya rais wa Marekani amesema kongamano kuhusu "Nishati na Hali ya hewa" litakalofanyika April 27 hadi 28 ijayo limelengwa kurahisisha njia ya kufikiwa makubaliano ya Umoja wa Mataifa ya kupambana na kuzidi hali jumla ya ujoto ulimwenguni.Mikakati madhubuti inategemewa kwa lengo la kuzidisha juhudi za kubuni nishati safi na kupunguza moshi wa sumu unaotoka viwandani.Kongamano hilo litakua kama maandalizi ya mkutano muhimu wa kilele utakaoitishwa July mwaka huu nchini Italy.Mbali na Marekani na Ujerumani,mataifa mengine pia ya Umoja wa Ulaya na Umoja wa mataifa yanatazamiwa kuhudhuria.Miongoni mwa walioalikwa ni pamoja na viongozi wa kutoka Australia,Brazil,Uengereza,Canada,China,Ufaransa,India,Indonesia,Italy,Japan,Korea,Mexico,Urusi,Afrika Kusini na Danemark.

  • Tarehe 29.03.2009
  • Mwandishi Oumilkher Hamidou
  • Chapisha Chapisha ukurasa huu
  • Kiungo https://p.dw.com/p/HM9j
  • Tarehe 29.03.2009
  • Mwandishi Oumilkher Hamidou
  • Chapisha Chapisha ukurasa huu
  • Kiungo https://p.dw.com/p/HM9j
Matangazo

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com