BERLIN: Washambulizi wa Taasisi ya Goethe waadhibiwe | Habari za Ulimwengu | DW | 30.04.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Habari za Ulimwengu

BERLIN: Washambulizi wa Taasisi ya Goethe waadhibiwe

Waziri wa mambo ya kigeni wa Ujerumani,Joschka Fischer amesema shambulio lililofanywa dhidi ya Taasisi ya kujifunza lugha ya Kijerumani-Goethe Institute nchini Togo ni kitendo cha fujo,kisicho halali na kisichokubalika.Fischer ametoa wito kwa serikali mjini Lome ifanye iwezavyo kuwakamata na kuwaadhibu wahusika.Amesema,serikali inapaswa kuhakikisha kuwa inawalinda vya kutosha Wajerumani na taasisi za Kijerumani nchini Togo.Vile vile kampeni dhidi ya Wajerumani isitishwe.Usiku wa Ijumaa, Taasisi ya Goethe katika mji mkuu Lome,ilishambuliwa na kutiwa moto na watu waliobeba silaha.Serikali ya Togo imeituhumu Ujerumani kuwa imeuunga mkono upande wa upinzani katika mgogoro wa uchaguzi wa rais.
Matangazo

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com