Anders Fogh Rasmussen katibu mkuu mpya wa NATO

STRASBOURG.

Viongozi wa NATO wamekubaliana kumchagua waziri mkuu wa   Denmark ,kuwa katibu mkuu mpya  wa jumuiya yao.

Televisheni ya Denmark imeripoti kuwa bwana Anders Fogh  Rasmussen amechaguliwa baada  ya viongozi wengine wa NATO kufanikiwa kuishawishi Uturuki.

Hapo awali Uturuki ilimpinga waziri mkuu huyo kwa  sababu ya jinsi alivyoshughulikia mzozo juu ya kukashfiwa mtume wa dini ya kiislamu Muhammad katika vyombo vya habari nchini  Denmark.

Katibu mkuu  wa  hadi  sasa  Jaap  de Hoop Scheffer atajiuzulu mwishoni mwa mwezi julai.