Vikosi kutoka nchi za Ulaya vyaendelea kuwasili Greenland

Hii ni baada ya mazungumzo kati ya Marekani na wawakilishi wa Denmark na Greenland  kushindwa kufikia muafaka kuhusu mustakabali wa kisiwa hicho cha Aktiki.

Ikulu ya White House imesisitiza kuwa kitakachofuata kwa sasa ni "mazungumzo ya kiufundi" kuhusu makubaliano yatakayoiwezesha Marekani kuinunua  Greenland.

Hata hivyo, Waziri wa Mambo ya Nje wa Denmark Lars Løkke Rasmussen amekanusha kauli hiyo na kusema kumeundwa timu itakayojadili namna ya kutatua tofauti zilizopo kati ya mataifa hayo.