Waziri Jung aitaka Pakistan kuendelea na uchaguzi. | Habari za Ulimwengu | DW | 01.01.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Waziri Jung aitaka Pakistan kuendelea na uchaguzi.

Berlin.

Waziri wa ulinzi wa Ujerumani Franz Josef Jung amesema kuwa serikali ya Pakistan itakuwa imeshauriwa vibaya iwapo itaahirisha uchaguzi mkuu uliopangwa kufanyika Jumanne wiki ijayo.

Katika mahojiano na radio moja nchini Ujerumani , Jung amesema kuwa ni muhimu kwa Pakistan kufanya uchaguzi huo kama ulivyopangwa ili kuipa nchi hiyo serikali iliyochaguliwa kidemokrasia. Kuahirisha uchaguzi , amesema , kunaweza kuleta hali mbaya nchini humo, ambayo inaweza kutumiwa na wapiganaji katika mipaka ya Pakistan na Afghanistan. Wakati huo huo ameondoa uwezekano wa kutuma wanajeshi wengine zaidi wa Ujerumani wa kulinda amani nchini Afghanistan. Amesema kuwa wanajeshi 3,500 ambao tayari wako nchini humo wanatosha kuweza kufanya majukumu yote ambayo Ujerumani kama sehemu ya jeshi la kimataifa linaloongozwa na NATO linayafanya.

Matangazo

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com