Marekani kuisaidia Ukraine kwa taarifa za kijasusi

Kwa mujibu wa gazeti la The Wall Street Journal, maafisa wa serikali ya Marekani wamenukuliwa wakieleza kuwa hatua hiyo inazingatiwa wakati Washington ikitathmini uwezekano wa kuipatia Kyiv silaha zaidi zenye uwezo wa kushambulia kwa umbali mrefu.

Licha ya kwamba Marekani imekuwa ikishirikiana na Ukraine kwa muda mrefu katika kubadilishana taarifa za kijasusi, ripoti hiyo inaeleza kuwa mpango huo mpya unaweza kuirahisishia Ukraine kushambulia viwanda vya kusafisha mafuta, mabomba ya gesi, vituo vya umeme, na miundombinu mingine muhimu—kwa lengo la kuinyima Urusi mapato ya nishati.

Gazeti hilo limeongeza kuwa maafisa wa Marekani pia wanawahimiza washirika wa jumuiya ya NATO kuunga mkono hatua hiyo kwa kutoa msaada wa aina hiyo kwa Ukraine.

Hata hivyo, Ikulu ya White House haikujibu mara moja ombi la kutoa maoni kuhusu taarifa hizo.