Serikali ya Sri Lanka yatuhumiwa kuwateka nyara vijana wa Kitamil | Habari za Ulimwengu | DW | 06.03.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Serikali ya Sri Lanka yatuhumiwa kuwateka nyara vijana wa Kitamil

NEW YORK:

Majeshi ya ya usalama ya Sri Lanka na wanamgambo wanaoiunga mkono serikali wametuhumiwa kuwateka nyara mamia ya watu tangu mwaka 2006.Ripoti ya Shirika linalotetea haki za binadamu duniani,Human Rights Watch imesema,serikali ya Sri Lanka imehusika na kutoweka kwa watu na wengi wao ni wanaume vijana wa Kitamil wanaoshukiwa kuhusika na waasi wa Tamil Tigers.

Serikali ya Sri Lanka imesema,ripoti hiyo imetia chumvi ukweli wa mambo.Maelfu ya watu wameuawa kisiwani Sri Lanka katika vita vya wenyewe kwa wenyewe vinavyoendelea tangu zaidi ya miaka thelathini kati ya majeshi ya serikali na waasi wa Tamil Tigers.

Matangazo

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com