1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Vita vya Marekani-Israel na IranMlipuko wa Ugonjwa wa EbolaKombe la Dunia la FIFA 2026
Sauti zetuVidio zetu
Migogoro

Ufaransa, Ubelgiji kuitambua Palestina kama taifa

Angela Mdungu
22 Septemba 2025

Baadhi ya mataifa yamepanga kuitambua Palestina kama nchi huru katika Mkutano wa Baraza Kuu la Umoja wa Mataifa utakaofanyika jijini New York. Mkutano huo utaongozwa na Rais wa Ufaransa Emmanuel Macron na Saudi Arabia.

https://p.dw.com/p/50sps
Ufaransa imetangaza mpango wake wa kuitambua Palestina kama nchi huru
Rais wa Ufaransa Emmanuel MacroPicha: dts-Agentur/picture alliance

Kando ya Ufaransa, Ubelgiji na New Zealand zimeshatangaza au kuashiria kuitambua Palestina kama taifa. Jumapili 21.09.2025, Uingereza, Canada na Australia zilikuwa miongoni mwa mataifa ya magharibi kuitambua Palestina. 

Awali, akitangaza mpango wa kuitambua Palestina kama taifa Rais wa Ufaransa Emmanuel Macron amesema, "Tutatangaza kuitambua Palestina kama nchi, suala ambalo ni mwanzo wa mchakato wa kisiasa na mpango wa amani na usalama kwa kila mtu."

Ujerumani kwa upande wake kupitia Waziri wake wa mambo ya nje Johann Wadephul, imesema juhudi za kupata suluhisho la mataifa mawili ya Israel na Palestina zinapaswa kuanza mara moja. Wadephul anatazamiwa pia kushiriki katika mkutano wa mataifa mengine ya magharibi yanayopanga kuutambua utaifa wa Palestina.