Anayedhaniwa kuwa mkuu wa Al-Qaeda Afrika Mashariki, auawa | Matukio ya Kisiasa | DW | 11.06.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Anayedhaniwa kuwa mkuu wa Al-Qaeda Afrika Mashariki, auawa

Anayedhaniwa kuwa mkuu wa mtandao wa kigaidi wa al-Qaeda Afrika Mashariki, Fazul Abdullah Muhammad, ameuawa mjini Mogadishu.

default

Ubalozi wa Marekani baada ya kushambuliwa mwaka 1998

Polisi wa Kenya ameyasema hayo leo akithibitisha ripoti zilizotolewa na kundi la waasi la Somalia la al-Shabaab. Kamishna wa Polisi nchini Kenya, Mathew Iteere ameliambia shirika la habari la AFP kwamba wamepokea taarifa hizo kutoka kwa viongozi wa Somalia.

Iteere amesema wameambiwa kuwa kuna magaidi wawili wameuawa Jumatano iliyopita nchini Somalia. Kamishna huyo wa polisi wa Kenya amesema mmoja wa watu hao ametambulika kama Fazul Muhammad.

Mapema, kamanda wa ngazi ya juu wa al-Shabaab alisema kuwa mmoja kati ya watu hao ambaye ameauawa karibu na Mogadishu ni Fazul Abdullah.

Fazul, aliyekuwa na umri wa miaka 38 anadhaniwa kupanga mashambulio ya kigaidi kwenye balozi za Marekani Dar es Salaam, Tanzania na Nairobi, Kenya mwaka 1998 ambapo zaidi ya watu 200 waliuawa na wengine walijeruhiwa.

Mwandishi: Grace Patricia Kabogo (AFPE)
Mhariri: Mohamed Dahman

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com