1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW

Mkutano wa Usalama wa Munich unamalizika kwa mjadala wa Gaza

Sudi Mnette
18 Februari 2024

Katika siku ya mwisho ya Mkutano wa 60 wa Usalama wa Munich Jumapili hii, vita katika Ukanda wa Gaza inachukua nafasi kubwa ya mjadala wake.

https://p.dw.com/p/4cXg0
Mkutano wa Usalama wa Munich | Majadiliano ya jopo
Rais wa Georgia, Salome Zourabichvili, wa pili kulia, Naibu Waziri Mkuu wa Ukraine anayeshughulikia Ushirikiano wa Ulaya na Euro-Atlantic Olha Stefanishyna, wa 3 kulia, Waziri wa Mambo ya Nje wa Lithuania, Gabrielius Landsbergis, wa 3 kushoto, Waziri wa Mambo ya Nje wa Poland, Radoslaw Sikorski, wa 2 kushoto, na Mshauri wa Mwanadiplomasia wa Ufaransa Emmanuel Bonne, kushoto, kuhudhuria Kongamano la Usalama la Munich katika Hoteli ya Bayerischer Hof mjini Munich, Ujerumani, Jumapili, Februari 18, 2024.Picha: Matthias Schrader/AP/picture alliance

Waziri Mkuu wa Palestina Mohammad Shtayyeh anatarajiwa kushiriki katika jopo la majadiliano litakalofanyika leo, juu ya mustakabali wa Israel na Palestina pamoja na aliyekuwa Waziri wa Mambo ya Nje wa Israel Tzipi Livni na Waziri wa Mambo ya Nje wa Jordan Ayman al-Safadi.Vita katika Ukanda wa Gaza kati ya Israel na kundi la Hamas, ambayo imekuwa ikiendelea kwa miezi kadhaa, hadi sasa kwa kiwango fulani imeathiri mkutano huo.Wazungumzaji, akiwemo Kansela wa UjerumaniOlaf Scholz na Waziri wa Mambo ya Nje wa Marekani Antony Blinken, waligusia mzozo kwa mara nyingine tena katika hotuba zao na waliunga mkono suluhu ya mataifa mawili.