Mali asili muhimu kuingiza China katika teknolijia ya juu | Matukio ya Kisiasa | DW | 26.08.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Matukio ya Kisiasa

Mali asili muhimu kuingiza China katika teknolijia ya juu

Mali asili ya madini kama Yittrium, Prometheum ama Neodym inapatikana China na madini hayo yanayotumika katika uzalishaji wa vifaa vya teknolojia yataiingiza China katika nguvu kubwa duniani.

Moja ya kampuni zinazohamishia teknolojia yake nchini China ni kampuni ya Siemens ya Ujerumani .

Moja ya kampuni zinazohamishia teknolojia yake nchini China ni kampuni ya Siemens ya Ujerumani .

Ni majina ya watu mashujaa katika ulimwengu wa vichekesho. Yittrium , Prometheum ama Neodym. Tatu kati ya jumla ya maliasili hizo 17 zinafahamika kama ardhi takatifu. Hali yake inafanya madini hayo kuwa muhimu sana kwa ajili ya viwanda vya teknolojia ya juu. China inadhibiti sehemu kubwa ya soko la dunia kwa asilimia 95 na kubana mauzo ya nje.

Guo Yun ni mwanasayansi katika chuo kikuu kilichoko mashariki ya China cha sayansi na teknolojia mjini Shanghai. Eneo lake maalum ni kile kinachoitwa ardhi tukufu.

Wachina wana thamini sana ardhi yao tukufu. Deng Xiaoping ndie aliyetoa sentensi hiyo maafuru. Mashariki ya kati wana mafuta, sisi tuna ardhi tukufu.

Wameweza kwa muda wa hivi karibuni kushughulika sana katika mali asili, hususan katika eneo la teknolojia ya juu. Kwa mfano madini ya Neodym . Yanatumika katika kuimarisha sumaku katika vyuma. Yanaweza kuimarisha chuma kupata sumaku inayoweza kubeba uzito mara 1300 zaidi.

Madini hayo yanaweza kutumiwa katika maeneo mengi, iwapo mtu anahitaji eneo imara la sumaku kwa matumizi ya sehemu ndogo. Katika vitambuzi vya kompyuta na kasi katika matumizi ya kompyuta ama pia katika vipaza sauti ama spika za simu za mkononi zinazojulikana kama smart phones.

Karibu nusu ya mahitaji ya dunia ya ardhi tukufu ama udongo mtukufu yanatoka Baotou, mji wenye watu milioni mbili katika eneo la Mongolia. Hapa kuna mgodi wa Bayan Obo, mgodi mkubwa kabisa duniani wa maliasili hiyo ya udongo mtukufu. Kwa miaka kadha China imekuwa ikijaza soko la dunia kwa maliasili hiyo na kuwabana washindani wake. Hii leo China inadhibiti soko la dunia. Duniani kote kiasi cha asilimia 95 ya udongo huo muhimu unapatikana kutoka China. Sasa nchi hiyo inataka kubadilisha jukumu lake la usafirishaji wa mali hiyo ya asili. Udongo huo wa manufaa utakuwa ndio njia ya kuingia katika uzalishaji wa vifaa vya teknolojia duniani. Kwa mwanauchumi Hu Xingdou kutoka chuo kikuu cha sayansi na teknolojia cha China anasema kuwa udongo huo ni chombo muhimu cha mkakati kwa China.

Ni dhahiri kuwa hilo ni jambo zuri kwa China, kwa kuwa iwapo una maliasili kama hiyo, inakufanya uwe na chombo cha mkakati. China inaweza kuamua kuuza maliasili hiyo kwa nchi fulani tu, ambazo inazitaka, na kuzifungia nyingine kupata mali hiyo.

Pamoja na hali hiyo ya kuziondoa baadhi ya nchi kutoka mauzo ya mali hiyo ya asili makampuni ya teknolojia ya juu kuhamia China ni athari ambayo China ilikuwa inamatamanio nayo makubwa. Pia kutokana na hali isiyoweza kuzuilika ya kuhamishia teknolojia nchini China.

Mwandishi: Matthias Hein / ZR / Sekione Kitojo

Mhariri : Josephat Charo.

  • Tarehe 26.08.2010
  • Mwandishi Sekione Kitojo
  • Chapisha Chapisha ukurasa huu
  • Kiungo https://p.dw.com/p/OxEn
  • Tarehe 26.08.2010
  • Mwandishi Sekione Kitojo
  • Chapisha Chapisha ukurasa huu
  • Kiungo https://p.dw.com/p/OxEn
Matangazo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com