Annegret Kramp-Karrenbauer kutowania ukansela Ujerumani | Matukio ya Kisiasa | DW | 11.02.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Matukio ya Kisiasa

Annegret Kramp-Karrenbauer kutowania ukansela Ujerumani

Kiongozi wa chama cha Christian Democratic Union, CDU Annegret Kramp-Karrenbauer hatogombania kinyang'anyiro cha kumrithi Angela Merkel kuwa kansela wa Ujerumani.

Msemaji wa chama cha CDU amesema Kramp-Karrenbauer pia atajiuzulu uenyekiti wa chama cha CDU. Kramp-Karrenbauer, mwenye umri wa miaka 57 alikuwa akipigiwa upatu kuchukua nafasi ya ukansela mwaka 2021 baada ya kuchaguliwa kuwa mwenyekiti wa CDU mwaka 2018.

Hata hivyo, tangu wakati huo, Kramp-Karrenbauer anayejulikana kama AKK, amekumbwa na kashfa kadhaa, ikiwemo uchaguzi wa wiki iliyopita katika jimbo la Thuringia, ambapo wanachama wa CDU walipiga kura kwa kushirikiana na chama kinachofuata siasa kali za mrengo wa kulia na kinachopinga wahamiaji, AfD kumchagua waziri mkuu mpya wa jimbo hilo.

Duru zimeeleza kuwa Merkel anataka Kramp-Karrenbauer abakie kuwa waziri. Kwa sasa Kramp-Karrenbauer ni waziri wa ulinzi.

Matangazo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com