Shtypi gjerman i ditës
9 Prill 2008Handelsblatt, që del në Düsseldorf shkruan:
Mesazhi i gjeneralit amerikan David Petraeus mbetet pranë realitetit. Komandanti në Irak nuk foli për fitore, por vetëm për përparime të pjesshme. Jo për paqe, por vetëm për reduktimin e dhunës. Dhe ai qe aq i mençur, sa të mos ushqente shpresa për një tërheqje të gjerë të trupave, por të qëndronte tek e vërteta. Dhe me tej në Irak duhet të mbetet i stacionuar një kontigjent i madh ushtarësh amerikanë. Sepse ajo, që është arritur është shumë e pasigurt, sa të mund të ruhet pa amerikanët. Lufta në Irak do të zgjasë edhe në muajt, që i kanë mbetur Xhorxh Bushit si president dhe sipas të gjitha gjasave do ta shoqërojë edhe presidentin e ardhshëm amerikan.
Iraku do të jetë më shumë se një konflikt, nga i cili në fund ndoshta mund të dalësh me kokën lart.
Badische Neueste Nachrichten:
Me çdo incident të ri, që provokojnë demonstruesit protibetianë nuk demaskojnë vetëm udhëheqjen kineze, por edhe funksionarët e verbuar të komitetit olimpik, që për kohë të gjatë besonin, se duhet mbajtur larg çdo që gjë, që mund të ishte e pakëndshme. Skandalet politike, biles edhe diskutimi politik. Janë po të njëjtët funksionarë, të cilët si bazë të idesë olimpike në shekullin XXI shohin paranë dhe sponzorizimin e milionave.
Landeszeitung Lüneburg:
Kalimi i pishtarit olimpik është kthyer në një katastrofë për imazhin e Kinës dhe të komitetit olimpik ndërkombëtar IOC. Kërkesa e presidentit të tij, Jacques Rogge, për zgjidhje paqësore të konfliktit në Tibet vjen shumë vonë. Ai ka propaganduar gjithnjë neutralitetin e IOC-së, ndarjen e sportit nga politika. Por olimpiadën dhe politikën nuk i ndaje dot kurrë nga njëra-tjetra dhe as nuk do t´i ndash dot kurrë. Nën pretekstin e rremë për të përmirësuar gjendjen e të drejtave të njeriut në Kinë, IOC-ja ia dha para shtatë vjetësh lojërat olimpike Pekinit. Por pas kësaj fshiheshin interesa të mëdha ekonomike. Ndoshta ky përshkallëzim është për IOC-në një nxitje, që në të ardhmen të mos merren parasysh vetëm kapacitetet ekonomike, logjistike dhe teknike të kandidatit për lojërat olimpike.