Në Paris shpallet publikisht rikonstruktimi i qeverisë konservatore | Evropa | DW | 01.04.2004
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Në Paris shpallet publikisht rikonstruktimi i qeverisë konservatore

Me këto ndryshime synohet të tregohet preokupimi i qeverisë për pakënaqësitë në radhët e popullsisë franceze lidhur me reformat. Kjo pakënaqësi u shpreh qartë me votën e elektoratit në zgjedhjet lokale, ku konservatorët dolën të humbur.

Nikola Sakorsi

Nikola Sakorsi

Në kabinetin qeverisës të francës tashmë është vendosur një rend zyrtar. Secili ministër ka një numër rendor që përcakton edhe hierarkinë e tij në qeveri. Numri një ishte dhe do të mbetet Nikola Sakorsi. Emërimin e tij e bëri të ditur në Elize sekretari i përgjithshëm: "Zotëri Nikola Sakorsi, ministër i ekonomisë, financave dhe i industrisë, gjithashtu ai do të mbajë edhe titullin e nderit ministër shteti."

Në këtë mënyrë poliitkani më i preferuar i francezëve do të ketë një rol të vecantë në rrethin e kolegëve të tij. Pasardhës i Sakorsisë në postin e ministrit të brendshëm do të jetë ministri i punëve të jashtme dhe një nga besnikët e presidentit Zhak Shirak, Dominik dë Vilepë. Ky i fundit duhet të krijojë në kabinetin qeveritar kundërpeshën ndaj të plotfuqishmit Sakorsi. Ministrinë e punëve të jashtme këtej e tutje do ta drejtojë Mishel Branier, deri më sot komisar i BE-së në Bruksel e si rjedhojë mjaft i njohur në parketin ndërkombëtar.

Ristrukturimi i kabinetit në Francë bëhet vetëm tri ditë pas dështimit të konservatorëve në zgjedhjet lokale. Vota e elektoratit këtë radhë ishte përgjigja për pakënaqësinë e shkaktuar prej kursit të reformave ekonomiko-sociale. Dikasterin e ekonomisë dhe të politikës sociale do ta marrë përsipër Zhan Lui Borlo, që do të jetë ministër i punës dhe cështjeve sociale. Borlo nuk simbolizon kthesë majtas, por me të qeveria jep një sinjal, se i vlerëson me seriozitet shqetësimet e popullit pasigurinë dhe pakënaqësinë e përhapur në masë.

Pothuajse të gjithë personalitet politike në radhët e forcës konservatore u rivendosën pjesërisht ne funksione të reja. Megjithatë qeveria e re ndryshon rrënjësisht nga paraardhësja vetëm në një pikë: përpara dy vjetësh pas fitores së zgjedhjeve parlamentare kryeministri Zhan Pier Rafarë tërhoqi në kabinetin qeveritar disa përfaqësues të shoqërisë civile. P.sh. dikasteri i financave drejtohej nga një menaxher dhe në krye të ministrisë së arsimit ishte një filozof. Megjithatë përvoja tregoi, se këta ishin të mbingarkuar në situatat konfliktuale, ndaj u desh që ata të lagrohen nga postet duke ua dorëzuar ato politikanëve me përvojë. Procesi i ristrukturimit të kabinetit rezultoi mjaft i vështirë. Disa herë u shty shpallja e emrave të ministrave. Deri në zgjedhjet për Parlamentin Evropian në qershor shpresohet që në Francë të ketë një ripërtëritje të klimës politiko-sociale në përgjithësi, kjo pavarëssiht nga arkat e zbrazura të shtetit dhe projektet e vështira për reformat, vecanërisht në sektorin e shëndetësisë. Nëse nuk realizohet kjo atëherë në verë duhet ndërmarrë hapi tjetër për ristrukturim. Kjo është e sigurtë Paris. Nëse bëhen sërish ndryshime kryeministri Rafarë do të jetë me siguri viktimë. Ai ka vetëm 73 ditë në dispozicion për ta bindur presidentin dhe opinionin me punën e tij. Deri në betejën e Vaterlosë Napoleoni asokohe kishte të paktën 100 ditë kohë.

  • Data 01.04.2004
  • Shtypni Shtypeni faqen
  • Permalink https://p.dw.com/p/ArHn
  • Data 01.04.2004
  • Shtypni Shtypeni faqen
  • Permalink https://p.dw.com/p/ArHn