Wanajeshi wapigana na waasi mashariki ya Chad | Matukio ya Kisiasa | DW | 09.05.2009
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Wanajeshi wapigana na waasi mashariki ya Chad

Serikali ya Chad imesema kuwa hadi waasi 225 wameuawa katika mapigano ya siku mbili kati ya majeshi ya serikali na waasi hao.Vile vile wanajeshi 22 waliuawa katika mapigano hayo,mashariki ya nchi.

Tarakimu hizo lakini zimekanushwa na waasi wanaojaribu kuipindua serikali, tangu miaka mitatu iliyopita.

Kwa mujibu wa Umoja wa Mataifa majeshi ya serikali yanapigana na vikosi vya waasi vinavyojongelea mji wa Abeche na mji mkuu Ndjamena.

Mapema juma hili,Chad na jirani Sudan zilitia saini makubaliano ya amani mjini Doha Qatar.Lakini sasa kila upande unamlaumu mwenzake kwenda kinyume na makubaliano hayo na kutoa msaada kwa waasi waliopania kupindua serikali za nchi hizo mbili.

Umoja wa Mataifa umearifu kuwa wafanyakazi wake 18 wamehamishwa kutoka eneo la mapigano na kuongezea kuwa kwa sababu ya mapigano hayo, itakuwa vigumu kutoa msaada kwa maelfu ya wakimbizi na wale waliopoteza makaazi yao.

Mwandishi: P.Martin-(AFPE)

Matangazo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com