Mashambulizi ya bomu yaua watu 26 Irak | Habari za Ulimwengu | DW | 08.12.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Mashambulizi ya bomu yaua watu 26 Irak

Washambuliaji wawili wa kujitolea maisha muhanga,wameua watu 26 katika mashambulizi mawili mbali mbali nchini Irak.Kwa mujibu wa polisi, watu 16 waliuawa na wengine 30 walijeruhiwa katika mji wa Muqdadiyah,baada ya mshambuliaji mmoja wa kike kuripua mabomu yaliyopachikwa nguoni.Yeye alilenga ofisi ya kundi la Wasunni wanaoshirikiana na vikosi vya Kiiraki na Marekani kupambana na wafuasi wa Al Qaeda.

Katika shambulizi la pili,mwanamgambo aliejitolea maisha muhanga alibamiza gari lake kwenye kituo cha ukaguzi katika mji wa Al-Mansuriyah.Watu 10 waliuawa na 8 walijeruhiwa katika shambulizi hilo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com