Marekani iko tayari kuzungumza na Iran | Matukio ya Kisiasa | DW | 25.06.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Iran yasema vikwazo havitakuwa na athari yoyote

Marekani iko tayari kuzungumza na Iran

Mshauri wa usalama wa taifa wa Marekani John Bolton amesema rais wa nchi hiyo Donald Trump amefungua mlango wa majadiliano ya kweli kati ya nchi hiyo na Iran. Marekani imetoa tamko hilo huku ikiiwekea vikwazo vipya Iran.

 

John Bolton amesema kile Iran inachotakiwa kufanya kwa sasa ni kuingia kupitia mlango wa majadiliano uliyowachwa wazi na Marekani ili kutafuta suluhu ya mvutano unaoendelea.

Hata hivyo balozi wa Marekani anayesimamia masuala ya kupunguza silaha Robert Woods amesema nchi hiyo itaendelea na shinikizo lake dhidi ya  Iran hadi itakapobadilisha tabia yake. Marekani imeongeza kuwa itatafuta njia tofauti za kuiongezea vikwazo zaidi Iran.

John Bolton (Getty Images/A. Wong)

Mshauri wa Usalama wa taifa wa Marekani John Bolton

Iran kwa upande wake imepuuzia vikwazo hivyo vipya ilivyowekewa na Marekani. Wanachama wa bunge la nchi hiyo wamesema mbinu ya Marekeni haifai, kutaka mazungumzo mapya  huku ikiiiwekea vikwazo Iran, kiongozi wake wa kidini Ayatolla Ali Khamenei pamoja na maafisa wengine wanne wa juu serikalini na vikwazo zaidi dhidi ya waziri wa mambo ya kigeni Javad Zarif vikitarajiwa kuwekwa baadae wiki hii.

Rais Hassan Rouhani amesema vikwazo dhidi ya Khamenei havitakuwa na athari yoyote

Mvutano kati ya Iran na Marekani umepamba moto baada ya Irankuidungua wiki iliyopita ndege isiyokuwa na Rubani ya Marekani na Trump kuzuwiya mashambulizi ya kijeshi katika dakika ya mwisho akihofia watu zaidi watauwawa.

Pindi shambulio hilo lingefanyika basi ingekuwa mara ya kwanza Marekani kuishambulia kijeshi Iran katika kipindi cha muda mrefu wa uadui kati yao.

Iran | Präsident Hassan Rohani (picture-alliance/abaca/Parspix)

Rais wa Iran Hassan Rouhani

Kwa upande wake Rais Hassan Rouhani amesema vikwazo dhidi ya Khamenei havitakuwa na athari yoyote maana kiongozi huyo wa kidini hana mali yoyote katika nchi za Magharibi.

Iran na Marekani wamezidi kukwaruzana tangu mwaka uliopita wakati rais Trump alipoiondoa nchi yake katika  makubaliano ya nyuklia ya mwaka 2015 kati ya Iran na mataifa sita yaliyo na nguvu duniani kabla ya Marekani kuiwekea tena vikwazo nchi hiyo.

Wakati huo huo Urusi imeishutumu Marekani kuwa mwepesi kuiwekea Iran vikwazo bila kufikiria huku ikitangaza kusimama pamoja na Iran. Urusi imesema kuna hisia zinazoonesha, Marekani inataka kusitisha kabisa uhusiano wake na Iran.

Vyanzo: Reuters/AFP/AP

DW inapendekeza

Matangazo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com