Qëndrim diplomatik i Prishtinës zyrtare | Ballkani | DW | 10.05.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Qëndrim diplomatik i Prishtinës zyrtare

Grupi negociator i Kosovës garanton autoritetet ndërkombëtare se Kosova nuk do të shpallë në mënyrë të njëanshme pavarësinë

Prishtina

Prishtina

Anëtarët e grupit negociator kanë dhënë garanci se Kosova nuk do ta shpallë në mënyrë të njëanshme pavarësinë e saj, por sipas tyre, çdo veprim për të ardhmen e vendit do të ndërmerret në koordinim të plotë me faktorët kryesorë ndërkombëtarë.

Kryetari PDK-së në opozitë Hashim Thaqi, i cili është anëtar i grupit negociator, thotë se Kosova nuk ka nevojë të shpallë njëanshmë pavarësinë e saj, sepse për të, tashmë çështja e pavarësisë është një punë e përfunduar me mbështetje ndërkombëtare.

Grupi negociator i Kosovës, konstaton se është shumë e rëndësishme që zgjidhja e statusit të Kosovës të përmbyllet nëpërmjet një rezolute në KS-it, sepse kjo marrëveshje sipas tyre ka të mirat e saj.

Më parë disa herë radhazi, autoritetet e Prishtinës kanë thënë se Kosova ka një plan "B", në rast se në KS-it, nuk arrihet konsensusi për një rezolutë të re mbi bazën e planit të ndërmjetësit, Marti Ahatisari. Më këtë sinjalizohej se parlamenti i Kosovës, mund të shpallë pavarësinë në mënyrë të njëanshme.

Deklaratat e fundit të autoriteteve ndërkombëtare dhe BE-së, përkatësisht qëndrimi i Gjermanisë si kryesuese e radhës së presidencës se unionit, e cila hapur kundërshton çdo veprim të njëanshëm në çështjen e statusit të Kosovës, duket se i kanë shtyrë autoritetet e Prishtinës që të jenë të kujdeshme dhe të mos përmendin alternativa tjera të arritjes së pavarësisë, veç të mbështesin planin e ndërmjetësit, Marti Ahtisari, i cili rekomandon pavarësi të mbikqyrur për Kosovën.



  • Data 10.05.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArVr
  • Data 10.05.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArVr
Reklamë