Fjalë boshe në vend të të drejtave? - Konventa për fëmijët e OKB | Shoqëria & Kultura | DW | 20.11.2009
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Reklamë

Shoqëria & Kultura

Fjalë boshe në vend të të drejtave? - Konventa për fëmijët e OKB

20 vjet më parë u miratua Konventa për të drejtat er fëmijëve, e cila është nënshkruar nga 193 shtete duke e kthyer në konventën me popullaritetin më të madh të OKB-së.

Tiranë

Tiranë

Konventa e OKB-së për fëmijët është një vepër shembullore dhe suksesi më i madh organizatës. 193 shtete e kanë nënshkruar konventën e cila hyri në fuqi në një kohë rekord, pas miratimit nga Asambleja e Përgjithshme e OKB-së në nëntor 1989. Por sa i përket suksesit konkret të Konventës mbi të Drejtat e Fëmijëve, juristi zviceran Jean Zermatten është disi i rezervuar. Zermatten është anëtar i Komitetit të të OKB-së për të drejtat e Fëmijëve i përbërë nga 18 anëtarë. Ky komitet verifikon rregullisht zbatimin e konventës në vende të ndryshme.

Konventa e OKB-së për fëmijët është një vepër shembullore dhe suksesi më i madh organizatës.

Konventa e OKB-së për fëmijët është një vepër shembullore dhe suksesi më i madh organizatës.

Shpesh herë vërehet një dallim shumë i madh mes objektivave të marra dhe realitetit, vëren Jean Zermatten: „Në shumë vende të gjithë i duan fëmijët mbi çdo gjë tjetër, por jo patjetër fëmijëve u jepet prioritet. Kundrejt fëmijëve kushdo tregohet mjaft dashamirës, por të drejtat e fëmijëve nuk vlerësohen me ndonjë seriozitet të veçantë. Rëndom njerëzit janë miqësorë, dashamirës dhe të dashur me fëmijët, por e kanë të vështirë që t' i konsiderojnë fëmijët si bartës të të drejtave të tyre. Mendimi, se shtetet kanë një sërë detyrimesh ndaj fëmijëve nuk është shumë i përhapur.“

54 pikat e konventës gërshetojnë për të parën herë në një marrëveshje ndërkombëtare me karakter detyrues të drejtat civile politike, kulturore, ekonomike dhe sociale të fëmijëve. Me konventën për të drejtat e fëmijëve të gjithë banorët nën 18 vjeçarë të botës morën të drejta të garantuara për mbijetesë, zhvillim, mbrojtje dhe pjesëmarrje.

Maqedoni

Maqedoni

Të gjithë njerëzit janë të barabartë dhe kanë të njëjtat të liri dhe të drejta. Kështu thuhet në Deklaratën e Përgjithshme të të Drejtave të Njeriut të vitit 1948. Barazia e të gjithë njerëzve vlen shprehimisht sipas deklaratës "pa dallim p.sh. race, ngjyre lëkure, gjinie, gjuhe, besimi, botëkuptimi politik a tjetër, prejardhjeje kombëtare apo sociale, pasurie, lindjeje apo tjetër". Megjithatë, autorët e deklaratës së të drejtave të njeriut nuk menduan atëherë për një veçori dalluese, për moshën. 20 vjet më parë, në nëntor 1989 Deklarata e Përgjithshme u përmirësua për të gjithë njerëzit nën 18 vjeç, dhe këta përbëjnë jo pak, por mbi një të tretën e popullsisë së Tokës.

Autor : Claudia Witte / Vilma Filaj Ballvora

Redaktoi : Aida Cama

  • Data 20.11.2009
  • Shtypni Shtypeni faqen
  • Permalink https://p.dw.com/p/Kc3Q
  • Data 20.11.2009
  • Shtypni Shtypeni faqen
  • Permalink https://p.dw.com/p/Kc3Q