Arrihet kompromis në ligjin për imigrimin | Gjermania | DW | 26.05.2004
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Arrihet kompromis në ligjin për imigrimin

Schröder, Merkel dhe Stoiber bien dakort

Kancelari Schroeder dhe ministri i brendshëm Schily në konferencë shtypi pas takimit me Merkelin dhe Stoiberin në Berlin

Kancelari Schroeder dhe ministri i brendshëm Schily në konferencë shtypi pas takimit me Merkelin dhe Stoiberin në Berlin

Në fund tre politikanëve të rëndësishëm iu desh afro një orë për të rënë dakort pas mosmarrëveshjeve disavjeçare. Pas negociatash të shkurtra me kryetarët e CDU-së Angela Merkel dhe të CSU-së Edmund Stoiber kancelari Gerhard Schröder bëri të ditur se deri përpara pushimeve të verës e drejta e imigrimit në Gjermani do të përcaktohet nga një marrëveshje e të gjitha partive me përjatim të Partisë së Socializmit Demokratik.

Tani ministri i brendshëm socialdemokrat Otto Schily dhe ministri i brendshëm kristiandemokrat i landit të Bavarisë Günther Beckstein e kryeministri kristiandemokrat i landit të Sarës Peter Müller do të përpilojnë hollësitë e fundit. Para së gjithash kancelari doli fitimtar:

"Thjesht druhesha se mos grupet e punës do të ngecnin në sqarimin e detajeve dhe në përfundim nuk do të arrihej ajo që kërkojmë politikisht dhe për të cilën arritëm marrëveshje."

Qeveria i bëri përsëri lëshime opozitës në çështjen e sigurisë së brendshme. Tani të huajt, për të cilët dyshohet të jenë terroristë, do të mund të nxirren nga vendi kur ekziston dyshim i mjaftueshëm.

Kur një i huaj dëshiron të qëndrojë për gjithnjë në Gjermani ose të bëhet shtetas gjerman, atëherë do të pyetet detyrimisht Zyra e Mbrojtjes Kushtetuese. Të huajt që bëjnë thirrje në xhami për luftë të shenjtë dhe anëtarët e bandave kontrabandiste do të mund të dëbohen më lehtë.

Në thelb ligji lehtëson ardhjen e personave me kualifikim të lartë. Edhe studentët do ta kenë më të lehtë të qëndrojnë në Gjermani pas studimeve. Qeveria i realizoi synimet e veta para së gjithash në një çështje të rëndësishme për të gjelbërit, atë humanitare. Mbrojtja nga përndjekja për shkak të përkatësisë gjinore do të përmirësohet.

Në fund bashkimi kristiandemokrat-kristiansocial u gjet nën një trysni të madhe. Në bisedë me të gjelbërit dhe liberalët Schröderi kishte gjetur emërues të përbashkët. Për Schröderin kompromisi përbën sukses. Të gjelbërit shkuan deri tek kufiri i të durueshmes. Ndërsa bashkimi CDU-CSU ia doli që një sërë çështjesh të sigurisë të përfshihen në ligjin e ri.

  • Data 26.05.2004
  • Autor Jens Thurau
  • Shtypni Shtypeni faqen
  • Permalink https://p.dw.com/p/Ar6W
  • Data 26.05.2004
  • Autor Jens Thurau
  • Shtypni Shtypeni faqen
  • Permalink https://p.dw.com/p/Ar6W