Putin aonya juu ya kuwepo wanajeshi wa Ufaransa huko Ukraine

Ufaransa imekanusha madai ya Urusi kwamba imetuma mamluki nchini Ukraine, ingawa imeeleza kuwa haijaondoa uwezekano wa kutuma wakufunzi wa kijeshi katika siku za usoni japo bado haijafanya hivyo.

Jumatatu, Ukraine iliondoa tangazo lake kwamba wakufunzi wa kijeshi wa Ufaransa wangewasili nchini humo hivi karibuni na badala yake ikaeleza kuwa, bado inafanya mazungumzo na Ufaransa na washirika wake wengine juu ya suala hilo.