Marekani yamuuwa kiongozi wa IS Somalia | Matukio ya Afrika | DW | 16.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

SOMALIA

Marekani yamuuwa kiongozi wa IS Somalia

Jeshi la Marekani lilithibitisha kumuua kiongozi wa pili katika uongozi wa kundi linalojiita Dola la Kiislamu (IS) nchini Somalia katika shambulizi lake la anga.

Jeshi hilo la Marekani barani Afrika (AFRICOM) lilisema Abdulhakim Dhuqub aliuawa siku ya Jumapili katika mkoa wa Bari. 

Katika tathmini ya sasa, jeshi hilo lilisema shambulizi hilo lilimuua kiongozi huyo pekee sambamba na kuharibu gari moja.

Dhuqub alikuwa akihusika na operesheni za kila siku za kundi hilo la wanamgambo, ikiwemo kupanga mashambulizi na kufanya manunuzi. 

Kundi la IS lina operesheni chache  nchini Somalia, ambako wapiganaji wa al-Shabab wana nguvu na wana mafungamano na mtandao wa al-Qaida. 

Matangazo

IJUE DW

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com