Homa ya nguruwe yasambaa ulimwenguni | Wafanyakazi wa Idhaa ya Kiswahili | DW | 29.04.2009
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Homa ya nguruwe yasambaa ulimwenguni

Homa ya nguruwe iliyozuka nchini Mexico inaendelea kusambaa kote ulimwenguni.Watu kadhaa wameripotiwa kuambukizwa virusi vya homa hiyo hatari huko Israel na New Zealand nako Marekani watu 64 wameripotiwa wameambukizwa

default

Wakazi wote wa Mexico walazimika kuvaa vichuja pua.

Uchunguzi unaendelea barani Ulaya ,Asia na Latin Amerika.Mpaka sasa jumla ya watu 150 wameripotiwa kufariki baada ya kuambukizwa homa hiyo hatari nchini Mexico pekee na watu wengine 1600 wameambukizwa virusi hivyo.

Watu wanne wameambukizwa virusi vya homa hiyo Uhispania na Uingereza.Idara za afya katika mataifa mengine barani Ulaya ziko katika harakati za kuwapima watu kadhaa wanaoshukiwa kuwa wameambukizwa homa hiyo.Hapa Ujerumani watu saba waliolazwa kwenye hospitali kadhaa katika majimbo ya Bavaria,North-Rhine Westphalia na mji wa Hamburg wanaendelea kufanyiwa uchunguzi.

Shirika la Afya Ulimwenguni WHO limetahadharisha kuwa hali hiyo imefikia awamu ya nne ambapo maambukizi kati ya wanadamu yanaweza kutokea.Hata hivyo shirika hilo limesisitiza umuhimu wa kuwa chonjo pasipo kufunga mipaka ya nchi husika.

Mwandishi:Thelma Mwadzaya /RTRE,AFPE

Matangazo

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com