Bunge la Ujerumani kupiga kura ya kupitisha bajeti wiki hii

Haya yanafanyika wakati waziri wa fedha Lars Klingbeil akitahadharisha kuwa majadiliano magumu yanatarajiwa katika bajeti za miaka ijayo ya 2027 na 2028.

Klingbeil ambaye ni makamu Kansela na kiongozi wa chama cha Kisoshalisti cha SPD amesema kuwa mpango wake wa rasimu ya fedha kwa miaka baada ya mwaka 2026, una mapungufu makubwa ya ufadhili.

Waziri huyo wa fedha atajadiliana na Kansela Friedrich Merz na mkuu wa chama cha CSU markus Söder baadae mwaka huu.

Katika bajeti hiyo ya mwaka 2026, Ukraine inatarajiwa kupokea kiwango cha rekodi cha yuro bilioni 11.5 kwa ajili ya zana za kivita na kujilinda dhidi ya mashambulizi ya Urusi.

Vyama vya upinzani vimeikosoa pakubwa bajeti hiyo.