Rajs mund të jetë e kënaqur me vizitën në Lindjen e Mesme, por... | Bota | DW | 17.01.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Rajs mund të jetë e kënaqur me vizitën në Lindjen e Mesme, por...

Ministrja e jashtme amerikane Kondoleza Rajs përfundoi vizitën e saj në Lindjen e Mesme. Në mbrëmje pritet për vizitë në Berlin ku do të flasë me kancelaren Angela Merkel për rezultatet e këtyre vizitave

Rajs në Egjipt me ministrin e jashtëm Ahmed Aboul Gheit

Rajs në Egjipt me ministrin e jashtëm Ahmed Aboul Gheit


Rajs ka rënë dakord për një takim trepalësh me presidentin palestinez dhe kryeministrin izraelit, por ende nuk dihet se kur do të mbahet ky takim. SHBA presin mbështetjen e shteteve arabe në luftën e Irakut.

Ministrja e jashtme amerikane Kondoleza Rajs mund të jetë e kënaqur me bilancin e vizitës së saj në Lindjen e Mesme. Ajo ka rënë dakord për një takim trepalësh me Presidentin palestinez Mahmud Abaz dhe Kryeministrin izraelit Ehud Olmert, ndërkohë që tetë shtete të rëndësishme arabe e kanë mbështetur strategjinë e re të presidentit Xhorxh Bush në Irak. Ministrat e jashtëm të Egjiptit dhe Jordanisë janë vënë në mënyrë demonstrative në anën e Uashingtonit dhe kanë përshëndetuar angazhimin amerikan në Irak.

Po a duhet të jetë me të vërtetë e knaqur Kondoleza Rajs?

Kjo është një pyetje më shumë hipotetike: konflikti izraelito-palestinez pret ide dhe propozime të reja, të cilat sekretarja Rajs vetëm sa i ka paralajmëruar. Eshtë për të dyshuar nëse këto propozime do të përgatiten deri në takimin trepalësh. Ndërsa sa i përket mbështetjes së tetë vendeve arabe: kumtesa e lëshuar në Kuvajt është gjithçka tjetër por jo edhe një paralajmërim serioz i solidaritetit në adresën e Xhorxh Bushit. Është ky një pranim i hapur se në mungesë të influencës ndaj Uashigntonit, pranohet edhe "ulërima e përbashkët me ujkun."

Kondoleza Rajs është tepër inteligjente, prandaj nuk pritet ndonjë intepretim tjetër përveç se kjo është një letër e hapur mbështetjeje e strategjisë në Irak. Të gjithë ata që janë mbledhur në Kuvajt janë të interesuar për ndërprerjen e vrasjeve dhe gjakderdhjes në Irak dhe që forcat irakiane duhet sa më shpejt të përgatiten për marrjen e pushtetit në dorë, me qëllim largimin sa më parë të trupave amerikane nga Iraku. Qoftë kjo edhe përmes një forcimi të përkohshëm të trupave amerikane në Irak.

Demokratizimi i Irakut rruga e vetme

Sekretarja amerikane e shtetit nuk duhet të harrojë edhe një gjë: asnjë prej bashkëbiseduesve në takimin e Kuvajtit nuk beson se tërheqja amerikane nga Iraku kalon përmes Iranit. Me fjalë më të qarta: askush nuk është i gatshëm që t'i japë Bushit dritën jeshile për ndonjë aventurë të re ushtarake në këtë rajon. Do të ishte ky një gabim fatal, edhepse presidenti Bush i sheh gjërat pak më ndryshe.

Pjesmarrësit e takimit të Kuvajtit janë vende me shumicë sunite dhe kanë rezervat e tyre ndaj shiitëve në Irak. Mirëpo e kanë të qartë se demokratizimi i këtij pushteti në Eufrat dhe Tigris, është rruga më e mirë për këtë vend. Ato kërkojnë mbrojtjen e pakicës sunite. Për Uashingtonin kjo do të thotë se duhet të tregojë më shumë iniciativë jo vetëm në konfliktin iraelito - palestinez por edhe në lojën e përbashkët me miqtë tradicionalë në konfliktin e Irakut.

  • Data 17.01.2007
  • Autor Peter Filip
  • Shtypni Shtypeni faqen
  • Permalink https://p.dw.com/p/ArJg
  • Data 17.01.2007
  • Autor Peter Filip
  • Shtypni Shtypeni faqen
  • Permalink https://p.dw.com/p/ArJg
Reklamë