Presidentit kinez Hu Jin Tao në Berlin

Si presidenti kinez edhe ai gjerman u shprehën për thellimin e marrëdhënieve mes të dy vendeve. Presidenti kinez vendosi gjatë vizitës së tij në Berlin edhe gurin e themelit, për ngritjen e qendrës së parë kulturore kineze në Gjermani. "Në interesin e të dyja vendeve tona është që t'i thellojmë më tej marrëdhëniet" - tha Hu.

Kurse presidenti gjerman Këhler theksoi: "Unë shpresoj shumë nga veprimtaria e kësaj qendre të dialogut kinezo-gjerman. E reja e kësaj qendre është, se në të do të takohen qytetarët e thjeshtë të dy vendeve tona dhe jo vetëm ata që ushtrojnë detyra shtetërore. Artistë, gazetarë, shkencëtare dhe biznesmenë nga të dyja vendet mund të diskutojnë dhe të mësojnë nga njeri-tjetri."

Presidenti gjerman e lavdëroi qeverinë e Pekinit për sukseset e saj në luftimin e varfërisë. Politika e hapjes së vendit, tha Këhler, ka bërë që miliona njerëz në Kinë të jetojnë sot më mirë.

Në fjalimin e tij Këhler gjeti edhe fjalë qortuese në drejtim të politikës Kineze. Ekonomia lulëzon më mirë, kur lulëzojnë edhe të drejtat dhe liritë e njeriut tha Këhler:

"Ne dimë se gjithçka ka nevojë për kohën ne vet dhe kemi mirëkuptim për rrugën individuale që ndjek Kina. Por ne e dimë gjithashtu se dëshira e njerëzve për të jetuar në liri është universale dhe e sanksionuar edhe në Kartën e OKB-së." - theksoi Këhler.