Përfundoi procesi zgjedhor në Shqipëri | FOKUS | DW | 01.09.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

FOKUS

Përfundoi procesi zgjedhor në Shqipëri

Pas shpalljes së rezultatit përfundimtar të zgjedhjeve, Fatos Nano jep dorëheqjen. Lista me emrat e deputetëve fitues i dërgohet presidentit, Alfred Moisiu

default

Partia Demokratike dhe forcat e tjera të djathta të koalicionit "Koha për ndryshim" do të përbëjnë maxhorancën e re në parlamentin e ri. Ndërkohë, presidenti i Shqipërisë, Alfred Moisiu shpalli sot se konstituimi i këtij parlamenti do të bëhet nesër pasdite.
Vendimi për shpalljen e rezultatit përfundimtar të zgjedhjeve të 3 korrikut u miratua në Komisionin Qendror të Zgjedhjeve me 6 vota pro dhe asnjë kundër. 60 ditë pas zhvillimit të zgjedhjeve të përgjithshme, Komisioni Qendror i Zgjedhjeve miratoi listën e fituesve në proporcional, listën e fituesve në maxhoritar si dhe 40 emrat e deputetëve që do të marrin mandatin nga lista shumëemëror. Kryetari i KQZ-së Ilirjan Celibashi, i lexoi sot para mediave, të 140 emrat e deputetëve, anëtarë të parlamentit të ri, duke ulur kështu siparin e fazës të tejzgjatur paszgjedhore në Shqipëri.
Ai i cilësoi zgjedhjet të lira, por pati rezerva nëse ato mund të cilësohen të ndershme. Celibashi është i mendimit, se komisioni qendror i zgjedhjeve i ka përmbushur të gjitha standartet. Elementët e procesit zgjedhor, që kanë të bëjnë me rezultatet dhe administrimin e rezultatit të zgjedhjeve, sidomos nga disa komisine zgjedhore, lenë për të dëshiruar, është opinioni i Celibashit.
Lista me emrat e deputetëve i shkoi sot për dekretim presidentit, Alfred Moisiu. Ndërkohë pritet vlerësimi përfundimtar i zgjedhjeve nga ana e OSBE ODHIR-it.

Menjëherë pas shpalljes së rezultatit zyrtar të zgjedhjeve, Fatos Nano, reagoi menjëherë duke dhënë dorëheqjen nga posti i kryetarit të Partise Socialiste. Tani pritet të thirret kongresi i jashtëzakonshëm i Partisë Socialiste. Partia do të drejtohet aktualisht nga Sekretari i Përgjithshëm i PS, Gramoz Ruçi. Nano akuzoi më parë Partinë Demokratike se ajo manipuloi zgjedhjet. PD- ja u shpreh Nano, shfrytëzoi faktin, që shteti nuk u përfshi në zgjedhje dhe që nuk u mundua në asnjë rast të manipulonte rezultatin.
Manipulimet e PD-së kanë mundur të ndikojnë në rezultatin e zgjedhjeve në 15 zona, është shprehur Nano.

  • Data 01.09.2005
  • Autor Deutsche Welle/Shqip
  • Shtypni Shtypeni faqen
  • Permalink https://p.dw.com/p/Aqiw
  • Data 01.09.2005
  • Autor Deutsche Welle/Shqip
  • Shtypni Shtypeni faqen
  • Permalink https://p.dw.com/p/Aqiw