Në Bruksel zhvilloi punimet Konferenca ndërkombëtare për Irakun, të pranishëm përfaqësues nga 80 vende te botës

Me një apel për ndihmë,ka hapur punimet në kryeqytetin belg, Konferenca ndërkombëtare për Irakun.Ministrja e jashtëme amerikane Kondoleza Rajs theksoi në fjalën e saj ashtu sikurse edhe Sekretari i përgjithshëm i Kombeve të bashkuara Kofi Anan, domosdoshmërinë për të ndihmuar edhe më tej Irakun në rindërtimin e tij.
Në fjalën e tij , Presidenti i parlamentit irakian Hajim al Hasani theksoi nevojën e luftës kundër terroristëve:
"Bashkësia ndërkombëtare duhet të luajë një rol të rëndësishëm drejtues në ndihmën ndaj Irakut në frontin e sigurisë.Në qoftëse ne tani luftojmë terrositët në Irak, ky do të jetë fillimi i fundit të terrorizmit kudo nëpër botë", tha presidenti i parlamentit irakian.
Shefi i diplomacise gjermane,Joshka Fisher në fjalën e tij tha se Gjermania do të ndihmojë fuqishëm në rindërtimin e vendit duke qenë e pranishme në vend nëse gjendja e sigurisë do të përmirësohet.
"Terrori vazhdon.Nga ana tjetër zgjedhësit kanë në krye një qeveri legjitime demokratike.Një pikë e rëndësishme do të jetë tani procesi i kushtetutës, pasi me këtë do të arrihet të bëhet kalimi i sovranitetit tek institucionet irakiane", tha Fisher.
Ndërsa ministrja e jashtëme amerikane Kondoleza Rajs u ndal tek vendet fqinje me Irakun për parandalimin e depërtimti të terroristëve.
"Vendet fqinjë me Irakun, veçanërisht Siria, duhet të mbyllin kufirin e tyre për këdo që kërkon të shkatërrjë përparimet në Irak.Të gjitha vendet duhet t'i mbajnë premtimet për të dhënë ndihma materiale për Irakun", tha Rajs .
Po ashtu Kombet e bashkuara duhet të japin në maksimium kontributin e tyre në këtë drejtim, prandaj i pranishëm në punimet e kësaj konference ishte edhe vetë Sekretari i përgjithshëm Kofi Anan i cili tha:"Irakianët e kanë mbështetjen e botës në përpjekjet e tyre për ta rindërtuar vendin. Bashkësia ndërkombëtare e mbeshtet qeverinë dhe popullin e Irakut dhe ne jemi të përcaktuar se rindërtimi i Irakut duhet të ketë sukes, ashtu siç kemi nënvizuar në rezoluten 1546 të Këshillit të Sigurimit".