Me bluza pambuku në dimër | Gjermania | DW | 12.01.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Me bluza pambuku në dimër

Temperaturat në këtë periudhë normalisht duhet të binin deri në -10° Celcius. Por moti në Gjermani është zbutur e po vë në rrezik turizmin dimëror. Kjo gjendje nuk po u prish punë vetëm skiatorëve, por edhe alergjikëve

Janar 2007: Kafene në Shtutgart

Janar 2007: Kafene në Shtutgart

Xhaketa të lehta dhe bluza pambuku: Një pamje e pazakontë e Janarit në Gjermani. Do të duhej të ishe kulmi i dimrit me pallto të rënda, doreza, shall e kapuç. Duan a s'duan, gjermanët tani duhet të mësohen me dimrin e butë:

"Për mua është mirë, sepse kështu mund të vesh ç'të dua unë, por shqetësohem për ndryshimin e klimës. Ndoshta nuk është shumë normale," - thotë një grua nga Boni. Ndërsa një burrë nuk është shumë i kënaqur me motin: "Unë mendoj se është e tmerrshme, kur dimri nuk ka borë dhe është tepër i ngrohtë. Doja të shkoja për ski në Austri a Zvicër, por nuk ka kuptim, sepse as aty s'ka shumë borë."

Mungesa e borës për ski nuk është e keqja e vetme. Dimri i butë u ka hapur probleme edhe alergjikëve ndaj poleneve, për shkak të lulëzimit të parakohshëm. Karl Christan Bergmann nga një qendër alergologjike në Berlin thotë se trajtimi i alergjikëve ndaj poleneve do të ndryshojë për shkak të ndryshimit të kushteve klimaterike: "Për alergjikët nga polenet ne përdorim zakonisht një terapi hormonale, e me të cilën fillojmë para sezonit. Kjo terapi është zakonisht e sukesshme. Por tani kjo terapi po bëhet e vështirë sepse nuk kemi më asnjë periudhë pa polene."

Ndryshimi i klimës ka pasoja jo vetëm për njerzit, por edhe për bimët. Silija Berger është biologe dhe punon për institutin gjeobotanik pranë Universitetit të Hanoverit në Veri të Gjermanisë: "Insektet dëmtuese tani do të kenë një përqindje më të lartë mbijetese dhe do të shkaktojnë probleme në sezonin a ardhshëm të rritjes së bimëve."

Megjithëse bimët shpesh duhet t'u përshtaten ndryshimeve klimatike, Berger thotë se ky ndryshim kaq i shpejtë do të sjellë probleme për to: "Ato lloj bimësh që nuk rriten në një zonë të madhe, ka mundësi që të mos e përballojnë më ndryshimin e klimës dhe të pakësohen deri në zhdukje."

Në rrugët e Bonit ambjentimi me ndryshimet klimatike për disa njerëz duket se është më i thjeshtë se për disa të tjerë. Për ditët e ardhshme në Gjermani, moti parasheh era dhe rreshje të forta dhe temperaturat do të lëkunden nga katër deri në njëmbëdhjetë gradë. Kjo është më e lartë se temperatura e zakonshme e sezonit.

  • Data 12.01.2007
  • Autor Sarah Jones
  • Shtypni Shtypeni faqen
  • Permalink https://p.dw.com/p/Aqy2
  • Data 12.01.2007
  • Autor Sarah Jones
  • Shtypni Shtypeni faqen
  • Permalink https://p.dw.com/p/Aqy2