Fillon festa e Bethovenit

Sinfonia e 8- të e Bethovenit tingëllon e gëzueshme dhe qetësuese, por nga ana tjetër është edhe shumë dinamike. Kjo sinfoni së bashku me musikën e Gyërgy Ligetis dhe Leos Janaceks, të luajtura me mjeshtëri nga orkestra sinfonike e Barmbeg- ut nën drejtimin e dirigjentit, Jonathan Nott, hapën me 17 shtator festën e sivjetëshme të Bonn- it. Nën moton "Bohemia" do të zhvillohen deri me 10 tetor rreth 54 konzerte, të cilat do të hedhin dritë mbi lidhjet e Bethovenit me muzikanët e Böhmen dhe Mähren. Ky ballafaqim që ka themë qendrore këto lidhje është hartuar nga Ilona Schmiel, drejtuesja e re e këtij festivali, e cila thotë se këtë vit do të ketë edhe risi të tjera: "Një nga këto risi është sigurisht një prezencë e vazhdueshme e disa artistëve me emër, që tashmë kanë marrë edhe "statusin e pjesëmarrsit të përhershëm", si p.sh. Stefan Mikish.
Edhe orkestra filarmonike e Bremen, një nga orkestrat më në zë të Evropës sot, do të marrë këtë status. Këtë vit do të zgjerohen edhe programi i konzerteve të Jazz- it. Skena e Jazz-it çek të Pragës do të prezantohet me shumë dinamizëm"- thekson ajo.

Si zakonisht programi i konzerteve do të jetë i larmishëm dhe do të përmbajë pjesë nga Bethoven dhe kolegët e tij muzikantë nga Böhmen. Do të luhen pjesë të ndryshme muzikore, duke filluar nga Antonijn Dvorak e deri te musika bashkëkohore. Përveç kësaj do të ketë edhe shumë të reja të tjera. Nuk do të mungojnë edhe prezenca e figurve te njohura në fushës e muzikës, ndër të tjerë: Christian Tetzlaff, Heinrich Schiff, Kent Nagano, Murray Perahia apo Miriam Contzen.
Një përjetim i veçantë ishte edhe konzerti i hapjes së kesaj feste tradicionale nga sinfonia e Bamgerg-ut nën drejtimin e Janathan Nott. Fillimisht u luajt sinfonia e 8 e Bethovenit, e cila krijoi edhe një atmosferë subtile dhe më pas u luajtën dy vepra sinfonike të György Ligetis. Ky ballafaqim i veprave të Bethvoven dhe Ligetis ishte shumë interesant dhe impresionues.
Pika më kulminante e këtij konzerti ishte sinfonia dramatike "Sinfonietta" e Leos Janaceks,e cila u luajt më një intensitet energjik nga orkestra sinfonike e Bamberg-ut e drejtuar nga Jonathan Nott.