″Bisedime konstruktive″ - Irani dhe ShBA shkëmbejnë mendime në Bagdat | Bota | DW | 28.05.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

"Bisedime konstruktive" - Irani dhe ShBA shkëmbejnë mendime në Bagdat

ShBA dhe Irani për herë të parë pas më shumë se një çerek shekulli sërish kanë zhvilluar bisedime zyrtare diplomatike. Përfaqësuesit e të dyja palëve të hënën (28.05) u takuan në zonën e gjelbër, zona kjo e sigurisë së lartë në Bagdat, dhe biseduan përreth katër orë mbi krizën në Irak.

Bisedimet ShBA - Iran në Bagdat

Bisedimet ShBA - Iran në Bagdat

Irani dhe ShBA i kanë ndërprerë marrëdhëniet diplomatike qysh në kohën e revolucionit islamik në vitin 1979, Ambasadori i ShBA, Ryan Crocker, përfaqësoi Uashingtonin në bisedime, ndërsa për Iranin morri pjesë ambasadori Hasan Kasemi-Komi. Të dy diplomatët u takuan në selinë e kryeministrit irakian Nuri al-Maliki. Iraku u përfaqësua nga këshilltari kombëtar për sigurinë, Movafak al Rubaie. Sipas përfaqësuesit të ShBA Crocker bisedimet janë zhvilluar në një atmossferë konstruktive. Zëdhënësi qeveritar irakian e cilësoi takimin si të përzemërt dhe theksoi, se është biseduar vetëm për Irakun.

Pas katër orë bisedimesh Irani dhe ShBA ishin të një mendjeje, se Iraku duhet të stabilizohet, kështu u shpreh diplomati i ShBA, Ryan Crocker. Por propozime konkrete nuk ka pasur. Të dyja palët kanë shkëmbyer mendime lidhur me pozicionet e tyre, Irani ka përsëritur qëndrimin e vet, se ndërhyrja e amerikanëve në Irak, përpara katër vjetësh, ka qenë e pajustifikueshme dhe se ushtarët amerikanë janë pushtues.

Për ShBA do të varet nga qëndrimi faktik i Iranit, sipas ambasadorit Crocker. Tani kemi të bëjmë me fakte dhe jo me parime nënvizoi Crocker: "Unë i kam paraqitur iranianëve pikëpamjet tona konkrete lidhur me qëndrimin e tyre në Irak, e këto janë: mbështetja për milicët, që luftojnë forcat irakiane të rendit si dhe trupat e koalicionit, fakti që shumë lëndë shpërthyese dhe të tjera rezerva municionesh, që përdoren prej këtyre milicëve vijnë nga Irani dhe se duhet t´u jepet fund aktiviteteve të tyre nën drejtimin e gardave revolucionare dhe në këtë drejtim ne duam të shohim faktet."

Më tej Crocker vuri në dukje, se nuk është bsieduar për mundësinë e tërheqjes së trupave të koalicionit. Ai konfirmoi, se në takim është folur vetëm për problemet e Irakut, dhe aspak lidhur me programin e diskutueshëm bërthamor të Iranit. Qëllimi i këtij kontakti të parë zyrtar midis dy shteteve pas 27 vjetësh nuk ka qenë të planifikohet një takim tjetër. Por një gjë e tillë mund të ndodhë më vonë, nëse këtë e dëshiron Iraku.

  • Data 28.05.2007
  • Autor Ulrich Leithold
  • Shtypni Shtypeni faqen
  • Permalink https://p.dw.com/p/ArIa
  • Data 28.05.2007
  • Autor Ulrich Leithold
  • Shtypni Shtypeni faqen
  • Permalink https://p.dw.com/p/ArIa
Reklamë