Arrestime të zyrtarëve të lartë në Kosovë | Ballkani | DW | 12.03.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Arrestime të zyrtarëve të lartë në Kosovë

Zyrtarë të shërbimit policor të Kosovës, konfirmojnë arrestimin e dy personave, nën akuzën për pastrim parash. Njëri nga të arrestuesit është zyrtarë i lartë i Aleancës për Ardhmërinë e Kosovës, parti kjo që udhëhiqet nga ish kryeministri i Kosovës, Ramush Haradinaj.

Prishtina

Prishtina

Krerët e AAK-së, mohojnë akuzat e ngritura kundër njërit nga zyrtarët e lartë të AAK-së, Jahja Lluka, për shpërdorim parash rreth fondit për mbrojtjen e ish-kryeministrit të Kosovës, Ramush Haradinaj. Jahja Lluka u arrestua të hënën në mëngjes nga policia së bashku më drejtorin e përgjithshëm të bankës më të
madhe në Kosovë Kasabank, Milazim Abazi.

Jahja Lluka, i arrestuar nga policia, ka qenë i ngarkuar i drejpërdrejte në fondin për mbrojtjen e ish-kryeministit dhe ai dyshohet të jetë i përfshirë në pastrim parash me disa donatore në fondin Haradinaj.

Burime jo zyrtare në qeverinë e Kosovës, thonë se, për ndërhyrjen e policisë në zyrat e AAK-së, nuk ka qenë të njoftuar kryeministri i Kosovës, Agim Ceku, i cili vjen nga radhët AAK-së.

Zyrtarët e AAK-së, kërkojnë nga organet kompetente të UNMIK-ut, që të shikojnë rrethanat në të cilat është urdhëruar ndërhyrja e policisë në zyrat e AAK-së. Ata thonë që këso lloj ndërhyrjesh kanë për qëllim dëmtimin e imazhit të AAK-së, e cila aktualisht bashkeqeveris Kosovën.

  • Data 12.03.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArXn
  • Data 12.03.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArXn
Reklamë