Jamus ta bukaci Rasha ta guji matsawa kungiyoyin fararen hula | Labarai | DW | 08.04.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Jamus ta bukaci Rasha ta guji matsawa kungiyoyin fararen hula

Shugabar gwamnatin Jamus Angela Merkel ta yi kira ga shugaba Vladimir Putin na Rasha da ya baiwa kungiyoyin fararen hular kasar damar gudanar da al'amuransu ba tare da tsangwama ba.

Bundeskanzlerin Angela Merkel (CDU) und Russlands Staatspräsident Wladimir Putin stehen am 07.04.2013 im Congress Centrum in Hannover (Niedersachsen) anlässlich der Eröffnung der Hannover Messe. Rund 6500 Unternehmen beteiligen sich an der weltgrößten Industrieschau Hannover Messe vom 8. bis zum 12. April 2013. Foto: Jochen Lübke/dpa +++(c) dpa - Bildfunk+++

Hannover Messe

Uwargida Merkel ta yi wannan kiran ne a birnin Hannover na nan tarayyar Jamus inda shugabannin biyu ke hallarta kasuwar baje kolin sabbin kayakin lantarki da intanet da kuma na masana'antu da aka saba yi a kowace shekara.

Wannan kiran na Merkel dai ya biyo bayan irin afkawar da gwamnatin Rasha ta ke yi wa ofisoshin kungiyoyin da ba na gwamnati ba a dan tsakanin nan to sai dai Rasha ta nace cewar wannan mataki da ta kan dauka ba wai da nufin gallazawa jama'a ba ne, sai dai don sanya idanu kan wasu 'yan kasahen wajen da ke kokarin amfani da 'yan adawa wajen tada zaune tsaye a kasar.

Mawallafi: Ahmed Salisu
Edita: Yahouza Sadissou Madobi