Marekani yawaondolea vikwazo vya usafiri raia wa Chad | Matukio ya Afrika | DW | 11.04.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Afrika

Marekani yawaondolea vikwazo vya usafiri raia wa Chad

Rais Donald Trump wa Marekani ameondoa vikwazo vya usafiri vilivyokuwa vimewekewa raia wa Chad baada ya serikali yake kuvitathmini upya vikwazo hivyo kwa miezi sita.

Kulingana na Ikulu ya White House, uchunguzi huo uligundua kuwa taifa hilo lililoko Afrika ya Kati lilikuwa limeimarisha viwango vya usalama na utoaji wa mawasiliano kuhusu raia wake kwa Marekani.

Chad ilikuwa miongoni mwa nchi nane zilizolengwa na vikwazo vya usafiri kwa raia wake vilivyowekwa na Marekani. Nchi nyengine ni Iran, Libya, Syria, Somalia, Yemen, Venezuela na Korea Kaskazini.

Katika taarifa yake, Rais Trump amesema nchi nyingine saba bado hazijaimarisha mifumo yao ya utoaji taarifa na zitasalia katika orodha hiyo. Wakosoaji wa Trump wamemtuhumu kwa kuweka vikwazo dhidi ya raia wa nchi nyengine kinyume cha katiba kwa kulenga nchi zilizo na idadi kubwa ya Waislam. Chad inachukuliwa kama rafiki wa Marekani katika mapambano dhidi ya ugaidi.

Matangazo

IJUE DW

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com