Karolus Papulias kthehet në Gjermani

Presidenti grek Karolus Papulias, i cili po viziton Gjermaninë e njeh mirë këtë vend. 14 vjet me rradhë, që nga viti 1960 deri 1974, ai ka qëndruar këtu si student, si gastarbeiter, si luftëtar i rezistencës gjatë kohës së diktaturës ushtarake greke dhe për një farë kohe ka punuar në Radion Deutsche Welle.

Këto përvoja kanë lënë gjurmë deklaroi 76 vjeçarki Karolus Papulias në Berlin: "Jam shumë i lumtur, që vizitoj Gjermaninë si presidenti i Republikës Greke. Dhe jo vetëm se të dy vendet i lidh një miqësi e ndershme, por edhe sepse një pjesë të rëndësishme të jetës unë e kam kaluar këtu, ku kam studjuar dhe kam ndjekur nga afër zhvillimin demokratik dhe ekonomik në një fazë vendimtare."

Marrëdhëniet gjermano-greke janë shumë të mira. Të dy vendet bëjnë pjesë në BE dhe Nato dhe në shumë çështje të rëndësishme, që e preokupojnë Bashkimin Evropian, mbrojnë pozicione të njëjta. Athina dëshiron tani një presidencë të fortë gjermane të Bashkimit Europian, që t´i çojë përpara çështjet e rëndësishme të BE-së. Papulias përfshin këtu projektkushtetutën, çështjet e zgjerimit dhe një rol të fortë të BE në Lindjen e Afërt dhe në Kosovë. Këtu në Ballkan Greqia është bërë një partner i rëndësishëm në bisedimet për zgjidhjen e problemeve.

Presidenti gjerman Horst Këhler tha:"Mendojmë, se Greqia prej 25 vjetësh është një partner i mirë në BE dhe luan një rol të rëndësishëm stabilizues në rajon. Në BE duhet të de]ëgjojmë me vemendje zërin e Greqisë."

Nuk ka qenë gjithnjë kështu. Pas fundit të eres socialiste në vitet 90 dhe shpërbërjes së Jugoslavisë Greqia shihej si pjesë e problemit. Athina për një farë kohe i pat mbyllur kufinjtë me Shkupin, sepse ish republika jugosllave e Maqedonisë donte të quhej vetem Maqedoni.

Jehona negative jashtë shteti pat shkaktuar një transformim politik në Greqi. Në fakt në çështjen e vendosjes së emrit nuk është shkuar asnjë hap më larg, por Greqia mbështet tani pranimin e Maqedonisë në BE. Dhe po ashtu anëtarësimin e Bullgarisë, Rumanisë dhe të gjithë vendeve të Ballkanit perendimor. Athina mbështet edhe pranimin e Turqisë nëqoftëse Ankaraja plotëson kushtet për pranim. Këtu bëjnë pjesë marrëdhëniet e fqinjësisë së mirë dhe zgjidhja e çështjes së Qipros.

Një çështje në raportin ndçrmjet Gjermanisë dhe Greqisë mbetet akoma e hapur. Kjo është çështja e dëmshpërblimeve të viktimave të krimeve gjermane gjatë pushtimit të Greqisë në luftën e dytë boterore. Presidenti grek paraqiti në Berlin pozicion zyrtar të Greqisë, kur deklaroi se për Athinën kjo çështje mbetet e hapur deri në gjetjen e një zgjidhjeje përfundimtare.

Presidenti gjerman Horst Këhler u përgjigj se kjo temë për Berlinin është e mbyllur dhe se ekziston mendimi, që ajo nuk i ngarkon marrëdhëniet gjermano-greke. Megjithatë ai parapëlqen një propozim të bërë nga pararendësi i tij Johannes Rau. Pra themelimin e një lidhje rinore gjermano-greke që ka për detyrë takimin e të rinjve nga të dy vendet.
"E mbështes temën e këmbimit të të rinjve në formën e një programi këmbimesh. Besoj se ne ne Evropë duhet ta intensifikojmë këmbimin e të rinjve."