Farsë zgjedhore në Çeçeni | Evropa | DW | 28.11.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Farsë zgjedhore në Çeçeni

Për herë të parë, pas tetë vjetë lutërash dhe gjakderdhjesh, në Çeçeni u zhvilluan zgjedhjet parlamentare. I tërë procesi u dëshmua si një farsë, sepse zgjedhësit nuk kishin ndonjë alternativë të vërtetë

default

Inskenimi ishte perfekt. Në Çeçeni asgjë nuk ishte e rastit, ndërkohë që as zgjedhësit nuk mund të vendosnin. Fitorja e partisë së afërt me Kremlinin "Rusia e Bashkuar", ishte e qartë që para zgjedhjeve, e madje edhe para paraqitjes së listave të kandidatëve. Në sondazhet parazgjedhore thuhej se kjo parti do të fitojë më shumë se 70 përqind të votave. Natyrisht me mbështetjen e dhjetëra mijëra ushtarëve rusë të stacionuar në Çeçeni. Ndërkohë që zgjedhjet u përcollën me manipulime të shumta në kutitë zgjedhore.
Madje edhe opozita është organizuar nga personi i afërt me Kremlinin, Ramzan Kadirov. Ky 29 vjeçar është i biri i presidentit, Ahmed Kadirov, të vrarë në vitin 2004. Ai ishte shumë zemërgjërë në ndarjen e mandateve parlamentare për familjarët dhe anëtarët e klanit të tij.
Zëvendëskryeministri Ramzan Kadirov llogaritet si mbështetësi më i rëndësishëm i Moskës në Çeçeni. Armata e tij private ua ka futur çeçenëve në palcë frikën dhe tmerrin. Ajo kryen punët e ndyra për shërbimet ruse të sigurisë. Të ashtuquajurit "Kadiroci", ushtrojnë presion, kidnapojnë dhe keqtrajtojnë të tjerët.
Presidenti rus, Vlladimir Putin e mbështetë Ramzan Kadirovin, të cilit i ka ndarë madje edhe çmimin e heroit rus. Deri tani ka hedhur poshtë të gjitha paralajmërimet. I ngarkuari i tij për Kaukazin, Dimitri Kozak në verë i ka dorëzuar Putinit një raport, sipas së cilit rreziku më i madh në Çeçeni vjen nga elitat e pakontrolluara dhe korrupte, e jo prej terrorizmit ndërkombëtar dhe ekstremistëve islamikë.
Disa struktura të ngushta qeveritare kanë futur nën kontroll të gjitha resurset ekonomike dhe politike. Miliona e miliarda rubla të dedikuara për rindërtim janë zhdukur në rrugën prej Rusisë deri në Çeçeni. Kontrolli nga jashtë është i pamundur.
Këto zgjedhje i kanë forcuar pozicionet e Kadirovit, i cili në të ardhmen do të bëhet edhe president. Ai e konsideron të mbyllur procesin e demokratizimit të vendit. Çeçenia tashmë ka një kushtetutë, presidentin, parlamentin dhe përgjegjësinë për dhunën dhe varfërinë e pafund. Mirëpo, paqa e premtuar para katër vitesh, në Çeçeni ende nuk duket në horizont.

  • Data 28.11.2005
  • Autor Karla Engelhardt
  • Shtypni Shtypeni faqen
  • Permalink https://p.dw.com/p/ArCg
  • Data 28.11.2005
  • Autor Karla Engelhardt
  • Shtypni Shtypeni faqen
  • Permalink https://p.dw.com/p/ArCg