Cunami në ishujt Salomon | Bota | DW | 02.04.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Cunami në ishujt Salomon

Australia nuk njofton asnjë dëm

Hartë informuese për tërmetin dhe Cunamin në ishujt Salomon

Hartë informuese për tërmetin dhe Cunamin në ishujt Salomon

Një Cunami ka shkatërruar ishujt Salomon në jug të Paqësorit. Fashtra të tërë janë përmbytur nga dallgë të larta disa metra dhe janë shkatërruar thuajse plotësisht. Përmasat e dëmeve ende nuk dihen me saktësi ashtu si nuk dihet ende as numri i viktimave.

Sipas njoftimeve më të fundit numri i viktimave të Cunamit është të paktën 15. Por ky numër mund të ndryshojë pasi shumë njerëz rezultojnë ende të humbur. Cunami është shkaktuar nga dy tërmete të fuqishme në bregun e ishujve Salomon, njëri me fuqi 8 ballësh dhe i dyti me fuqi 6,7 ballësh. Alex Lokopio, kryeminsitri i provincës Gizo në perëndim të ishujve tha në televizion se njerëzit janë zënë në befasi në orët e para të mëngjesit:

"Rrugës për në punë ishujt janë tronditur nga një lëkundje shumë e fuqishme. Pastaj erdhi dallga e Cunamit e cila shkatërroi të gjitha shtëpitë përgjatë bregdetit Gizo. Mendoj se dallga ishte më shumë se 5 metra e lartë. Më pas janë gjetur 3 trupa pa jetë në vende të ndryshme të ishullit."

Nexon Silus i cili punon me një traget në ishujt Salomon tha në televizion se shumë prej ishujve janë përmbytur tërësisht:

"Të gjitha shtëpitë në ishull janë krejtësisht nën ujë. Shumë shtëpi janë shkatërruar dhe mobiljet e orendi të tjera lundrojnë në det. Duket se banorët kanë arritur të largohen nga vala e Cunamit por tani nuk kanë se ku të kthehen."

Pas tërmetit të rëndë për gjithë jugun e Paqësorit përfshirë bregun lindor australian u dha një paralajmërim Cunami. Dallga e Cunamit e cila mbërriti në Sidnei ishte megjithatë më pak se një metër e lartë.

Në mediet australiane diskutohet nëse paralajmërimi i Cunamit ka qenë i nxituar dhe nëse ka qenë i nevojshëm evakuimi i plazheve. Kryetari i bashkisë së Waverly në shtetin austrian Queensland, George Newhouse, e ka hedhur poshtë kritikën:

"Kur janë në rrezik jetë njerëzish nuk ka reagime të tepruara. Në jemi orinetuar nga paralajmërimet e qendrës për katastrofat. Nëse na thuhet prej tyre se mund të jetë në rrezik jeta e njerëzve atëherë i mbyllim plazhet. Nuk mendoj se në këtë rast është vepruar me mendejlehtësi."

Në ishujt Salomon nuk ka patur asnjë paralajmërim për banorët. Arkipelagu i përbërë nga rreth 1000 ishuj në jug-lindje të Papua-Guineas së Re është një nga vendet më të varfra në botë. Lidhjet telefonike pas tërmetit ishin ndërprerë thuajse plotësisht. Si pasojë shumë prej ishujve nuk janë njoftuar për rrezikun.

  • Data 02.04.2007
  • Autor Jörg Musch-Borowska
  • Shtypni Shtypeni faqen
  • Permalink https://p.dw.com/p/ArJ2
  • Data 02.04.2007
  • Autor Jörg Musch-Borowska
  • Shtypni Shtypeni faqen
  • Permalink https://p.dw.com/p/ArJ2
Reklamë