Wahouthi waidungua droni ya Marekani

Hayo yamesemwa na Yahya Saree, msemaji wa kundi hilo la waasi linaloegemea Iran katika hotuba iliyopeperushwa moja kwa moja kwenye televisheni.

Saree amesema droni hiyo ililengwa na kombora la kutokea ardhini kwenda angani na kwamba video kuthibitisha madai hayo zitatolewa.

Wahouthi walisema siku ya Ijumaa waliidungua droni nyingine ya Marekani aina kama hiyo katika anga la mkoa wa kusini mashariki wa Maareb.

Kundi wa Wahouthi linaloudhibiti mji mkuu Sanaa na maeneo mengi ya Yemen limezishambulia meli katika bahari ya Shamu tangu mwezi Novemba mwaka uliopita kuonyesha mshikamano na Wapalestina katika vita kati ya Israel na kundi la Hamas.