Uchaguzi wa Bunge la Ulaya waendelea | Matukio ya Kisiasa | DW | 26.05.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

BUNGE LA ULAYA

Uchaguzi wa Bunge la Ulaya waendelea

Wapigakura katika mataifa zaidi ya 20 ya Umoja wa Ulaya wanapiga kura zao muda huu kuchaguwa wawakilishi watakaoziwakilisha nchi zao kwenye Bunge la Ulaya huku kukiwa na wasiwasi dhidi ya siasa kali za mrengo wa kulia.

Raia nchini Ufaransa na Ujerumani wanapiga kura leo katika siku ya mwisho ya uchaguzi wa Bunge la Ulaya ambapo vyama vinavyopinga Umoja wa Ulaya pamoja na uhamiaji vinatumai kutoa changamoto kubwa.

Mbali ya Ujerumani na Ufaransa, ambayo ni mataifa yenye nguvu barani Ulaya, nchi nyingine karibu 20 wanachama wa Umoja huo zinapiga kura leo, ambayo ni siku ya mwisho ya uchaguzi huo wa Bunge la Ulaya.

Zaidi ya wapiga kura milioni 400 wanashiriki uchaguzi huo katika mataifa 28 na matokeo rasmi yanatarajiwa baadaye leo jioni.

Nchini Ujerumani, maoni ya umma ya kabla ya uchaguzi yalivipa nafasi ya ushindi wa asilimia 28 vyama ndugu vya kihafidhina vya CDU na CSU.

Wanasiasa kutoka vyama vikuu nchini Ujerumani walitumia siku za mwisho kabla ya uchaguzi kutoa onyo dhidi ya kukipigia kura chama cha siasa kali za mrengo wa kulia, AfD, kinachopinga wahamiaji na Umoja wa Ualya.

Matangazo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com