Masheikh wa Uamsho waachiliwa huru | Matukio ya Afrika | DW | 16.06.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Matukio ya Afrika

Masheikh wa Uamsho waachiliwa huru

Masheikh wawili wa Jumuiya ya Uamsho na Mihadhara ya Kiislamu Zanzibar (JUMIKI) waliokuwa wanashikiliwa kwa miaka tisa sasa katika magereza ya Ukonga Dar es Salaam hatimaye wameachiwa huru.

Mashehe hao waliachiwa huru JUmanne jioni baada ya kesi yao kukamilishwa kwa njia ya kiteknolojia huku wakipewa masharti makubwa katika kuachiwa kwao.

Taarifa za kuachiwa Masheikh hao wawili kati ya 51 zimeanza kusambaa majira ya saa 11 Alfajiri baada ya kiongozi wa Masheikh hao Sheikh Farid Hadi Ahmed kuonekana akiongozasala ya Alfajiri katika msikitini eneo la Beit Al Raas mjini Unguja jambo ambalo liliwashangaza wananchi wetu.

SHEIKH MSELLEM ALI MSELLEM

SHEIKH MSELLEM ALI MSELLEM

Soma pia: Viongozi wa Uamsho wafikishwa Mahakamani Zanzibar

Baadhi ya taarifa kwenye mitandao zilipoanza kusambaa niliwatafuta walipo kila mmoja alipelekwa katika eneo lake ambalo sio la kawaida.

Majira ya saa 10 baada ya kumaliza kesi walipelekwa uwanja wa ndege kwa ajili ya kufikishwa Zanzibar.

Abdallah Juma ambaye ni miongoni mwa mawakili tisa wa masheikh hao amesema yeye na mawakili wenzake wote hawana taarifa ya kusikilizwa kwa kesi dhidi yao ila wanashukuru kuwa wameshatolewa.

Hivi juzi Mkurugenzi wa Mashtaka Sylvester Mwakitalu aliwatembelea na kuwahoji masheikh hao.

Sikiliza sauti 02:48

Uchambuzi kuhusu kuachiwa mashehe wa Uamsho