Udhëheqësit kosovarë urojnë forcat politike serbe të tregojnë orientim evropian | Ballkani | DW | 22.01.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Udhëheqësit kosovarë urojnë forcat politike serbe të tregojnë orientim evropian

Udhëheqësit politikë kosovarë thonë se rezultatet e zgjedhjeve në Serbi treguan qartë se nuk ka ndryshim të skenës politike serbe se shtyrja e zgjidhjes së statusit të Kosovës ishte e panevojshme

Përkrahës i Partisë Radikale Serbe në Mitrovicë, 17 janar 2007

Përkrahës i Partisë Radikale Serbe në Mitrovicë, 17 janar 2007

Përfaqësues të institucioneve kryesore të Kosovës, i cilësuan zgjedhjet serbe si një veprim të brendshëm demokratik që u zhvillua në Serbi dhe sipas tyre, nuk kanë të bëjnë asgjë më Kosovën, përveç datës së tyre që ishte një shkas për shtyrjen e paraqitjes së propozimit për statusin e Kosovës nga ana e ndërmjetësit Marti Ahtisari. Udhëheqësit kosovarë thonë se, rezultatet e zgjedhjeve serbe treguan se në Serbi, nuk ka ndryshim të skenës politike, mirëpo urojnë që forcat politike në Serbi të tregojnë realisht orientim evropian.


Edhe grupi negociator i Kosovës, konstaton se zgjedhjet në Serbi ishin një proces i një vendi fqinjë të Kosovës mirëpo, lidhshmëria e tyre gjithsesi kishte të bëjë me paraqitjen e propozimit të statusit të Kosovës nga ana e ndërmjetësit Marti Ahtisari. Zëdhënësi i Grupit Negociator Skënder Hyseni thotë se, rezultatet e zgjedhjeve në Serbi treguan se pritjet për ndonjë ndryshim siç shprehet ai, spekakular në skenën politike serbe kanë qenë të kota.


Në zgjedhjet parlamentare të Serbisë, morrën pjesë edhe pjestarët e komunitetit serb të Kosovës. Qeveria e Kosovës megjithatë fton serbët e Kosovës, që ta projektojnë
të ardhmen e tyre në kuadër të institucioneve legjitime të Kosovës, sikundër fton
qeverinë e re serbe që do të dalë nga këto zgjedhje, që t'i inkurajojë serbët për të mbetur në Kosovë dhe për tu integruar në shoqërinë dhe në shtetin e ardhshëm
të Kosovës.

Sidoqoftë, Prishtina zyrtare pret që tash pas përfundimit të zgjedhjeve në Serbi, ndërmjetësi Marti Ahtisari të bëjë publik propozimin e tij për zgjidhjen e statusit të Kosovës. Përfaqësues të zyrës së ndërmjetësit ndërkombëtar, njoftuan se Marti
Ahtisari do të prezantojë shumë shpejtë projektin e tij për statusin dhe nuk do të ketë shtyrje të tjera. Marti Ahtisari, thuhet se po bënë përgatitjet e fundit për të udhëtuar në Prishtinë dhe Beograd, për tu prezantuar palëve propozimin e tij. Do të pres përgjigjjet e Prishtinës dhe Beogradit dhe më pas menjëherë propozimin për zgjidhjen e statusit të Kosovës Marti Ahtisari, do ta dërgojë në KS-it të OKB-së.

  • Data 22.01.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArZS
  • Data 22.01.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArZS
Reklamë