Watu kadhaa wameuwawa katika mashambulizi ya Urusi

Kyiv imesema shambulio la droni la Urusi limewaua watu wawili katika mkoa wa katikati mwa Ukraine wa Vinnytsia, huku shambulio la makombora kwenye mkoa wa Zaporizhzhia likisababisha kifo cha mwanamke mmoja. 

Mkuu wa jeshi la Ukraine Oleksandr Syrsky anadai Urusi ilianzisha wimbi la mashambulizi kujaribu kusonga mbele zaidi katika eneo hilo.

Umoja wa Ulaya waonya juu ya mustakabali wa vita vya Ukraine

Maafisa wa Urusi nao wameripoti makombora ya Ukraine katika mji wanaoudhibiti wa Donetsk, kuwa yamewaua watoto watatu. 

Mashambulizi mengine ya makombora ya Ukraine yameripotiwa katika mkoa wa mpakani wa Belgorod na kusababisha kifo cha afisa mmoja upande wa Urusi.