Moscow yadai kudhibiti kijiji cha mashariki mwa Ukraine

Moscow

Wizara ya ulinzi ya Urusi imedai kuwa vikosi vya nchi hiyo vimechukua udhibiti wa kijiji kingine mashariki mwa Ukraine, mnano wakati vikosi vyake vikizidisha mashambulizi kwenye uwanja wa vita. Kijiji hicho kinapatikana kilometa karibu 10 kaskazini mwa mji wa Avdiivka, uliodhibitiwa na Moscow mnamo mwezi Februari baada ya mashambulizi makali ya umwagaji damu katika vita vya miaka miwili.

Vikosi vya Urusi vimepata mafanikio makubwa katika eneo la mashariki la mkoa wa Donetsk wiki iliyopita na kusababisha ukosoaji wa nadra kutoka kwa wanablogu wa kijeshi wa Ukraine juu ya vikosi vya nchi hiyo.

Blogu moja katika mtandao wa Telegram ya Deep State, ambayo ipo karibu na wanajeshi wa Ukraine, mapema wiki hii iliwalaumu viongozi wa kijeshi kutokana na kuzorota hali ya usalama katika eneo hilo na kusababisha hasara kubwa.