Rais Donald Trump atangaza mikakati ya mwaka 2026

Rais Trump alianza hotuba yake kwa kutaja orodha ndefu ya kile anachokiona kama mafanikio yake katika mwaka wake wa kwanza madarakani.

Alisema licha ya kuirithi nchi ikiwa katika hali mbaya kutoka kwa mtangulizi wake Joe Biden, lakini wamefanikiwa kuleta mabadiliko chanya kuliko rais mwingine yoyote katika historia ya Marekani.

" Wademocrat walisababisha pia kupanda kwa bei ya vyakula. Lakini tunalitatua hilo pia. Mtaona mabadiliko hayo katika pochi zenu na akaunti zenu za benki katika mwaka mpya. Baada ya miaka mingi ya mapato kushuka kwa viwango vya kihistoria, sera zetu sasa zinaongeza mshahara unaobaki mikononi mwa wafanyakazi kwa kasi ya kihistoria. Na kwa mara ya kwanza baada ya miaka mingi, mishahara inaongezeka kwa kasi kubwa zaidi kuliko mfumuko wa bei, " alisema rais Trump.

Miongoni mwa masuala aliyoyagusia kwa kifupi ni uhalifu, uhamiaji vita dhidi ya dawa za kulevya na kuliimarisha tena jeshi la Marekani.

 

Amegusia pia suala la kupunguza bei, ambalo linaibua wasiwasi mkubwa miongoni mwa Wamarekani na kuahidi taifa hilo kuimarika kiuchumi mwaka ujao katika kiwango ambacho  ulimwengu haujawahi kushuhudia.