Netanyahu aapa kulitokomeza kundi la Hezbollah

Netanyahu amesema hatua hiyo itaondoa kitisho cha usalama dhidi ya Israel.

Ndani ya wiki za hivi karibuni Israel imekuwa ikishambulia ngome kadhaa za Hezbollah nchini humo. Hapo jana ilishambulia maeneo ya kijeshi ya kundi hilo la wanamgambo.

Netanyahu ameyasema hayo hii leo alipokuwa anafungua mkutano wa Baraza lake la mawaziri.

Amesema hatua sawa na hizo zitachukuliwa pia dhidi ya kundi la Hamas katika Ukanda wa Gaza, alilodai limekuwa likikiuka makubaliano dhaifu ya usitishwaji mapigano yaliyofikiwa kati ya Israel na kundi hilo, na yaliyoanza kutekelezwa Oktoba 10.