Watu tisa wauwawa Karachi baada ya kifo cha Khamenei

Kulingana na msemaji wa hospitali ya Karachi Dkt Jasso Ram, miili tisa imepokelewa na zaidi ya watu 25 wanaendelea kutibiwa, huku idadi ya vifo ikitarajiwa kuongezeka.

Machafuko hayo yamechochewa na taarifa za kifo cha Kiongozi Mkuu wa Iran, Ayatollah Ali Khamenei. Waandamanaji waliimba nyimbo za kuilaani Marekani wakielekea eneo la ubalozi, kabla ya maandamano hayo kugeuka na kuwa vurugu, wakijaribu kuvunja kizuizi cha jengo la ubalozi. Polisi walitumia gesi ya machozi na fimbo kusambaratisha umati na kulinda mali za kidiplomasia.

Hata hivyo hali ya usalama imeimarishwa mjini Islamabad, na barabara zote kuelekea eneo la Red Zone mjini humo zimefungwa kwa hofu ya maandamano zaidi.

Huku haya yakijiri makundi ya Palestina ya Hamas na Islamic Jihad, yamepinga mauaji ya Khamenei na kutaja hatua hiyo kama "ujinga wa kivita” na kuzishutumu Marekani na Israel kwa kuhusika moja kwa moja katika yaliyokiita "shambulio la kikatili” lililokiuka uhuru wa Iran na kuathiri usalama wa kikanda.