1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
IranMzozo wa Kongo MasharikiMzozo wa Israel na Hamas
Sauti zetuVidio zetu
Migogoro

Idadi ya waliokufa maandamano ya Pakistan wafikia 25

Sylvia Mwehozi
2 Machi 2026

Idadi ya vifo vilivyotokana na vurugu zilizozuka mwishoni mwa juma nchini Pakistan kufuatia mauaji ya kiongozi mkuu wa Iran, imefikia watu 25 kwa mujibu wa takwimu za shirika la habari la AFP

https://p.dw.com/p/59eSE
Pakistani Lahore 2026 | Lango la kuingilia ubalozi wa Marekani lachomwa moto wakati wa maandamano yanayounga mkono Iran
Maandamano ya kuunga mkono Iran yaliyogeuka kuwa ghasia katika miji kadhaa ya Pakistan kufuatia mauaji ya kiongozi wa IranPicha: Arif Ali/AFP

Idadi ya vifo vilivyotokana na vurugu zilizozuka mwishoni mwa juma nchini Pakistan kufuatia mauaji ya kiongozi mkuu wa Iran, imefikia watu 25 kwa mujibu wa takwimu za shirika la habari la AFP. Maandamano yalizuka katika midhaa kadhaa mikubwa ya Pakistan, ikiwemo mji wa kusini wa Karachi, ambako baadhi ya waandamani walijaribu kuvamia majengo ya balozi za Marekani.

Mwandishi wa AFP alishuhudia mamia ya waandamanaji wanaounga mkono Iran wakijaribu kuingia katika ubalozi wa Marekani na hivyo kuchochea makabiliano na polisi. Mamlaka zimetangaza marufuku ya kutotoka nje usiku hadi Jumatano katika miji ya Gilgit na Skardu ambako kumesambazwa wanajehsi.

Maandamano hayo pia yalifanyika katika mitaa ya mji mkuu wa Islamabad ambako watu wawili wameuawa.