1. Nenda kwenye maudhui
  2. Nenda kwenye orodha kuu
  3. Nenda tovuti zaidi za DW
Yanayoangaziwa
Vita vya Marekani-Israel na IranMlipuko wa Ugonjwa wa EbolaKombe la Dunia la FIFA 2026
Sauti zetuVidio zetu
Siasa

Iran yasema maandamano 'yamedhibitiwa kikamilifu'

12 Januari 2026

Waziri wa Mambo ya Nje wa Iran Abbas Araghchi, amesema siku ya Jumatatu kwamba hali nchini humo imedhibitiwa kikamilifu baada ya ukandamizaji wa kikatili wa maandamano ya nchi nzima.

https://p.dw.com/p/56ftx
Iran Gorgan 2026 | Moto na moshi wakati wa maandamano ya usiku dhidi ya utawala wa Iran
Vikosi vya serikali ya Iran vyatuhumiwa kukandamiza maandamano na kusababisha vifo vya zaidi ya watu 500Picha: MEK/The Media Express/SIP/SIPA/picture alliance

Abbas Araghchi amesema maandamano yaligeuka kuwa ya vurugu na ya maafa, ili kumpa Rais wa Marekani Donald Trump sababu ya kuingilia kati.

Hata hivyo hakutoa ushahidi wowote kuhusu kauli zake ambazo zilijiri baada ya wanaharakati kuripoti kwamba zaidi ya watu 500 wameuawa nchini humo katika maandamano hayo yaliyoanza wiki mbili zilizopita.

Rais Donald Trump amesema Iran inataka mazungumzo na Marekani baada ya kitisho chake cha kushambulia Jamhuri hiyo ya Kiislamu kufuatia ukandamizaji wake dhidi ya waandamanaji

Kansela wa Ujerumani Friedrich Merz amesema ukandamizaji  wa Iran dhidi ya waandamanaji ni 'ishara ya unyonge'.