Polonia mbështet planet amerikane për sistemin antiraketor

Dancig: Polonia mbështet edhe më tej planet amerikane për ngritjen e një sistemi mbrojtës antiraketor në Evropën lindore. Megjithatë ajo nuk ka miratuar ende stacionimin e këtij sistemi në Poloni. Pas një takimi me presidentin amerikan Xhorxh Bush, presidenti polak Leh Kazhinski tha se sapo kanë filluar bisedimet për këtë çështje. Shtetet e Bashkuara të Amerikës planifikojnë të ngrejnë këtë sistem antiraketor në Poloni dhe Çeki. Presidenti rus ka kundërshtuar planet amerikane dhe ka propozuar që ky sistem mbrojtës të ngrihet bashkarisht me palën ruse në Ajzerbajxhan.